ຈາກຜົນງານສຸດຮ້ອນແຮງຂອງ ທີມຊາດລາວ ຮຸ່ນອາຍຸບໍ່ເກີນ 19 ຫຼ້າສຸດເອົາຊະນະ ໄທ 2-0 ໃນຮອບ 4 ທີມສຸດທ້າຍປະຈໍາວັນທີ 13 ກໍລະກົດ ເຊິ່ງເປັນໄຊຊະນະຄັ້ງທໍາອິດ
ໃນການແຂ່ງຂັນບານເຕະຊີງແຊັມອາຊຽນ ໃນຮຸ່ນອາຍຸບໍ່ເກີນ 19 ປີ ຈາກການພົບກັນມາ 6 ຄັ້ງໃນລາຍການ ເພາະທີ່ຜ່ານມາ ຢູ 19 ລາວ ເສຍໃຫ້ ໄທ ທັງໝົດ 5 ຄັ້ງ
ນັດດັ່ງກ່າວ ປີເຕີ ພັນທະວົງ ກັບ ດາໝົດ ທອງຄໍາສະຫວັດ ຮັບບົດບາດເປັນພະເອກຍິງຄົນລະປະຕູຊ່ວຍໃຫ້ ຢູ 19 ລາວ ເອົາຊະນະ ໄທ 2-0 ຜ່ານເຂົ້າຮອບຊີງລາຍການນີ້ເປັນຄັ້ງປະຫວັດສາດ ເຊິ່ງກໍເປັນໄຊຊະນະຄັ້ງທໍາອິດ ໂດຍຈະໄປພົບກັບ ມາເລເຊຍ
ນອກນັ້ນ, ໄຊຊະນະນັດນີ້ຍັງເຮັດໃຫ້ ຢູ 19 ລາວ ສ້າງປະຫວັດສາດຊະນະລວດຫຼາຍທີ່ສຸດໃນລາຍການນີ້ຄືຊະນະ 5 ນັດລວດ,
ຍັງບໍພໍ ການເຂົ້າຮອບຊີງຄັ້ງນີ້ກໍຍັງເປັນຄັ້ງປະຫວັດສາດທີ່ ທີມຊາດລາວ ເຂົ້າຮອບຊີງ ເພາະກ່ອນໜ້ານີ້ ທີມຊາດລາວ ເຄີຍຜ່ານເຂົ້າມາຮອບ 4 ທີມສຸດທ້າຍໄດ້ເຖິງ 4 ຄັ້ງຄື:
ປີ 2002, 2005 ແລະ 2015 ກ່ອນຍາດໄດ້ອັນດັບ 3 ທັງໝົດ, ສ່ວນອີກ 1 ປີແມ່ນເຮັດໄດ້ໃນປີ 2013 ຍາດໄດ້ອັນດັບ 4
.
