ແຈ້ງເຕືອນ..!! ຄາດ​ຄະ​ເນ​​ສະ​ພາບອາ​ກາດ ວັນ​ທີ 19-24 ກໍ​ລະ​ກົດ 2022 ຈະມີຝົນຕົກໜັກ, ຟ້າຮ້ອງຟ້າຜ່າ ແລະ ນໍ້າຖ້ວມ

ສະ​ພາບ​ອາກ​າດ ແລະ ລະ​ດັບ​ນ້ຳ ວັນ​ທີ 11 – 17 ກໍ​ລະ​ກົດ 2022 ແລະ ຄາດ​ຄະ​ເນ​​ສະ​ພາບອາ​ກາດ ວັນ​ທີ 19 – 24 ກໍ​ລະ​ກົດ 2022.

ຄາດຄະເນສະພາບອາກາດ ໃນໄລຍະວັນທີ 18 ຫາ 24 ກໍລະກົດ 2022.ໃນໄລຍະວັນທີ 18 ຫາ 22 ກໍລະກົດ 2022 ຮ່ອງຄວາມກົດດັນຕໍ່າຈະພາດຜ່ານພາກເຫນືອ ແລະ ພາກກາງຂອງ ປະເທດລາວ, ພ້ອມດຽວກັນລົມມໍລະສຸມຕາເວັນຕົກສ່ຽງໃຕ້ຈະເພີ່ມກໍາລັງແຮງຂຶ້ນພັດປົກຄຸມເປັນສ່ວນໃຫຍ່, ຊື່ງຈະ ເຮັດໃຫ້ອາກາດຮ້ອນ ແລະ ຈະມີຝົນຕົກຟ້າຮ້ອງ-ຟ້າເຫຼື້ອມໃນລະດັບຄ່ອຍ ຫາ ຕົກປານກາງຢູ່ໃນແຕ່ລະພາກ ແລະ ຕົກ ຫນັກ ພ້ອມມີລົມພັດແຮງຢູ່ບາງທ້ອງຖິ່ນແຂວງພາກເຫນືອດ້ານຕາເວັນຕົກລົງຫາ ພາກກາງ ແລະ ພາກໃຕ້,.

ຈາກນັ້ນວັນທີ 23 ຫາ 24 ກໍລະກົດ 2022 ຄວາມກົດດັນຕໍ່າຂອງອາກາດຮ້ອນຈະປົກຄຸມຢູ່ທຸກພາກຂອງປະເທດລາວ, ສົມທົບລົມມໍ ລະສຸມຕາເວັນຕົກສ່ຽງໃຕ້ພັດປົກຄຸມດ້ວຍກໍາລັງອ່ອນ ຊຶ່ງໄດ້ເຮັດໃຫ້ອາກາດຮ້ອນຂຶ້ນ ແລະ ມີຝົນຕົກຟ້າຮ້ອງຟ້າເຫຼື້ອມ ໃນລະດັບຄ່ອຍພ້ອມມີລົມພັດແຮງຢູ່ບາງທ້ອງຖິ່ນໃນແຕ່ລະພາກ.ຄາດຄະເນສະພາບອາກາດ ໃນແຕ່ລະພາກດັ່ງລຸ່ມນີ້:

ພາກເຫນືອດ້ານຕາເວັນອອກ: ໃນໄລຍະວັນທີ 18 ຫາ 24 ກໍລະກົດ 2022 ຈະມີຝົນຕົກຟ້າຮ້ອງ-ຟ້າເຫຼື້ອມໃນລະດັບຄ່ອຍ ຫາ ປານກາງຢູ່ເກືອບທົ່ວໄປ ແລະ ຕົກຫນັກ ພ້ອມມີລົມພັດແຮງຢູ່ບາງທ້ອງຖິ່ນແຂວງ ຜົ້ງສາລີ ອຸນຫະພູມຕໍ່າສຸດ 19 – 21 ອົງສາ ແລະ ສູງສຸດ 20 – 31 ອົງສາ.

ພາກເຫນືອດ້ານຕາເວັນຕົກ: ໃນໄລຍະວັນທີ 18 ຫາ 24 ກໍລະກົດ 2022 ອາກາດຮ້ອນ ແລະ ຈະມີຝົນຕົກຟ້າຮ້ອງ-ຟ້າເຫຼື້ອມ ໃນລະດັບຄ່ອຍຢູ່ທົ່ວໄປ ແລະ ປານກາງ ຫາ ຕົກຫນັກ ພ້ອມມີລົມພັດແຮງຢູ່ທ້ອງຖິ່ນແຂວງ ອຸດົມໄຊ, ບໍ່ແກ້ວ, ຫຼວງນ້ໍາທາ, ຫຼວງພະບາງ ແລະ ໄຊຍະບູລີ ອຸນຫະພູມຕໍ່າສຸດ 23 – 25 ອົງສາ ແລະ ສູງສຸດ 31 – 35 ອົງສາ.

ພາກກາງ: ໃນໄລຍະວັນທີ 18 ຫາ 22 ກໍລະກົດ 2022 ອາກາດຮ້ອນ ແລະ ຈະມີຝົນຕົກຟ້າຮ້ອງ-ຟ້າເຫຼື້ອມໃນລະດັບຄ່ອຍ ຫາ ປານກາງ ແລະ ຕົກຫນັກ ພ້ອມມີລົມພັດແຮງຢູ່ບາງທ້ອງຖິ່ນ ແຂວງ ວຽງຈັນ, ບໍລິຄໍາໄຊ ແລະ ຄໍາມ່ວນ, ຈາກນັ້ນວັນທີ 23 ຫາ 24 ກໍລະກົດ 2022 ອາກາດຈະຮ້ອນຂຶ້ນ ແລະ ຍັງມີຝົນຕົກຟ້າຮ້ອງຟ້າເຫຼື້ອມໃນລະດັບຄ່ອຍ ຄຸນຫະພູມຕ່ໍາສຸດ 23 – 25 ອົງສາ ແລະ ສູງສຸດ 33 – 36 ອົງສາ, ສໍາລັບ ແຂວງ ໄຊສົມບູນ: ຈະມີຝົນຕົກຟ້າຮ້ອງ-ຟ້າເຫຼື້ອມໃນລະດັບຄ່ອຍ ຫາ ປານກາງ ພ້ອມມີລົມພັດແຮງຢູ່ບາງບໍລິເວນ ອຸນຫະພູມຕໍ່າສຸດ 17 – 19 ອົງສາ ແລະ ສູງສຸດ 27 – 29 ອົງສາ.

ພາກໃຕ້: ໃນໄລຍະວັນທີ່ 18 ຫາ 22 ກໍລະກົດ 2022 ອາກາດຮ້ອນ ແລະ ຈະມີຝົນຕົກຟ້າຮ້ອງ-ຟ້າເຫຼື້ອມໃນລະດັບຄ່ອຍ ຫາ ປານກາງ ແລະ ຕົກຫນັກ ພ້ອມມີລົມພັດແຮງຢູ່ບາງທ້ອງຖີ່ນ ແຂວງ ຈໍາປາສັກ. ຈາກນັ້ນວັນທີ 23 ຫາ 24 ກໍລະກົດ 2022 ອາກາດຈະຮ້ອນຂື້ນ ແລະ ຍັງມີຝົນຕົກຟ້າຮ້ອງຟ້າເຫຼື້ອມໃນລະດັບຄ່ອຍ ອຸນຫະພູມຕ່ໍາສຸດ 24 – 26 ອົງສາ ແລະ ສູງສຸດ 33 – 35 ອົງສາ, ສໍາລັບເຂດພູພຽງບໍລະເວນ: ອາກາດເປັນ ໃນຕອນກາງຄືນ ຫາ ຕອນເຊົ້າ ແລະ ຈະມີຝົນຕົກ ຟ້າຮ້ອງ-ຟ້າຫຼື້ອມໃນລະດັບຄ່ອຍ ຫາ ປານກາງ ແລະ ຕົກຫນັກ ພ້ອມມີລົມພັດແຮງຢູ່ບາງບໍລິເວນ ອຸນຫະພູມຕໍ່າສຸດ 18 – 19 ອົງສາ ແລະ ສູງສຸດ 27 – 29 ອົງສາ.

ນະຄອນຫຼວງວຽງຈັນ: ໃນໄລຍະວັນທີ 18 ຫາ 24 ກໍລະກົດ 2022 ຈະມີຝົນຕົກຟ້າຮ້ອງ-ຟ້າເຫຼື້ອມໃນລະດັບຄ່ອຍ ຫາ ປານກາງ ພ້ອມມີລົມພັດແຮງເປັນບາງໂອກາດ ແລະ ຕົກຫນັກ ຢູ່ບາງບໍລິເວນ ອຸນຫະພູມຕໍ່າສຸດ 24- 26 ອົງສາ ແລະ ສູງ ສຸດ 33 – 35 ອົງສາ.

Related Posts

Leave a Reply

Your email address will not be published.