ໂຄດອາຍ ຕໍ່ໄປອາດຈະມີນັກທ່ອງທ່ຽວລົດລົງແນ່ນອນ

📌ໂຄດອາຍ📌ສາມມື້ກ່ອນໝູ່ມາແຕ່ໄທ 5ຄົນ ຕັ້ງໃຈສິມາທ່ຽວ ເຮົາກະໄປຮັບຢູ່ດ່ານຊັບຜອດເຕັມທີ່ ລະກະຊອກປີ້ລົດໄຟໃຫ້ ເຮົາກະແຈ້ງເລີຍວ່າປີ້ລົດໄຟຄັນໄປຊື້ເອງນີ້ແມ່ນບໍ່ທັນ ຈຳເປັນໄດ້ຕ້ອງໄດ້ຈ້າງຄົນໄປຊື້ ຄ່າຊື້ປີລະ 50.000ກີບ ຫຼື 100ບາດ ໝູ່ກະວ່າໄດ້.

ບໍມີບັນຫາ ເຮົາກະຈັດການໃຫ້ເສັດສັບ ຮອດມື້ເດີນທາງໄປຫຼວງພະບາງກະມີແຕ່ໝູ່ຄົນໄທໄປ ເຮົາບໍ່ໄດ້ໄປນຳ ໝູ່ໄປຮອດຫຼວງພະບາງປຶບ ໂຮງແຮມແມ້ງເຮັດເສັ້ນ ທັງໆທີ່ຈອງຫ້ອງຈາກ ອາໂກດາແລ້ວ ຕັດເງິນໄປແລ້ວ ແຕ່ບາດໄປຮອດ ແມ້ງບອກວ່າຫ້ອງເຕັມ ແລ້ວເຄຍເງິນຄືນໃຫ້ ແຕ່ບາດເຂົ້າໄປເບິ່ງໃນແອັບ ແມ້ງຫ້ອງຍັງວ່າງຢູ່ ແຕ່ອັບລາຄາຂຶ້ນໄປສອງເທົ່າ ໝູ່ເລີຍຈຳເປັນໄດ້ໄປຫາບ່ອນພັກໃໝ່,

ຕໍ່ມາໄດ້ໄປເຊົ່າລົດຈັກເພື່ອສິຂີ່ເລາະທ່ຽວຊົມຫຼວງພະບາງ ແຕ່ລາຄາແມ້ງ ລົດເວບຊື່ໆ ຄັນລະ 200.000ກີບ/ມື້, ລະທຸກສິ່ງທຸກຢ່າງທີ່ໃຊ້ຈ່າຍຢູ່ຫັ້ນແມ່ນໂຄດແພງກ່ອນປົກກະຕິ, ຂະນະດຽວກັນນັ້ນເຮົາກໍ່ຕຽມຊອກປີ້ລົດໄຟໄວ້ໃຫ້ໝູ່ເພື່ອຕອນກັບ ແຕ່ຊອກຈັ່ງໃດກໍ່ບໍ່ໄດ້ ຈ້າງຄົນໄປຊື້ກະບໍ່ໄດ້ ຈົນສິບໍ່ມີລົດກັບ ເຮົາເລີຍຕິດຕໍ່ລົດຕູ້ເໝົາໃຫ້ເພື່ອສິມາສົ່ງຢູ່ວຽງ ແຕ່ໃຕອນດຽວກັນນັ້ນ ໝູ່ໄປເຫັນໃນກຸ່ມຂາຍປີ້ລົດໄຟ

ວ່າຍັງມີປີ້ຂາຍຢູ່ ແຕ່ຂາຍໃນລາຄາ 1100ບາດ/ປີ້ ຫຼື ປະມານ 500.000ກີບ ແຕ່ຈັ່ງໃດກະຈຳເປັນຕ້ອງໄດ້ຊື້ ເພາະຮອດມື້ກັບແລ້ວ ຕ້ອງໄດ້ກັບ ທຸກຄົນມີວຽກຕ້ອງໄດ້ກັບມາເຮັດ ສຸດທ້າຍກະໄດ້ປີ້ຄົບ, ລະກະເລື່ອງການບໍລິການບ່ອນຮອງຮັບຜູ້ໂດຍສານຢູ່ສະຖານີລົດໄຟຫັ້ນອີກ ໂຄດບໍ່ໄດ້ເລື້ອງ ຈົນມື້ນີ້ຕອນຄ່ຳທຸກຄົນມາຮອດວຽງເຮົາກະສົ່ງເຕັມທີ່ຈົນຮອດດ່ານ ພໍດີທັນຮອບສຸດທ້າຍເກືອບສິບໂມງກາງຄືນ

ແນ່ນອນທຸກຄົນມີຫາງສຽງທີ່ບໍ່ດີກັບການຕ້ອນຮັບຂອງລາວເຮົາ ແຕ່ກໍ່ຍ້ອງຍໍຊົມເຊີຍໃນຄວາມສວຍງາມຂອງວັດທະນະທຳ ແລະ ທຳມະຊາດ
ຢາກຖາມວ່ານີ້ຫວາຄືສິ່ງທີ່ນັກທ່ອງທ່ຽວທີ່ຕັ້ງໃຈມາທ່ຽວຕ້ອງໄດ້ຮັບ, ເຮົາຄຸມຫຍັງບໍ່ໄດ້ບໍ່ໄດ້ແທ້ຫວາ? ລະມັນສາມາດດີກ່ອນນີ້ໄດ້ບໍ່? ລະຄິດວ່າເຂົາສິຢາກກັບມາທ່ຽວອີກບໍ່? ເຂົາສິແນະນຳຄົນອື່ນມາທ່ຽວບໍ່?

ລາຍໄດ້ຫຼັກຂອງປະເທດເຮົາແມ່ນການທ່ອງທ່ຽວໃດ

#ອາຍແທນ.

Related Posts

Leave a Reply

Your email address will not be published.