ລວມຂ່າວຫຍໍ້ສາວໝໍລໍາອິນແຕ່ງດັບຊີບຕົນເອງຍ້ອນບັນຫາລຸມເລົ້າ

ວັນທີ 19/09/2022 ເປັນວັນທີວົງການບັນເທິງລາວຕະລຶງ+ສະລົດໃຈຕໍ່ເຫດການເກີດຂື້ນກັບສິລະປິນ ໝໍລຳສາວໃຕ້ຊື່ດັງກ້ອງຟັາເມືອງລາວ ແລະປະເທດໃກ້ຄຽງ ດັ່ງ ສາວ ອິນແຕງ ແກ້ວບົວລາ ທີ່ໂດດຂົວ ລາວ-ຍີ່ປຸ່ນເພື່ອດັບຊີບ.

ກອງບັນຊາການ ປກສ ແຂວງຈຳປາສັກ ລາຍງານໃຫ້ຊາບວ່າ: ໃນເວລາ 10:25 ນາທີ ຂອງວັນທີ 19 ກັນຍາ 2022 ຢູ່ຈຸດຂົວຂ້າມນໍ້າຂອງລາວ-ຍີ່ປຸ່ນ ໄດ້ມີຄົນມາ ໂດດຂົວເບື້ອງຕົ້ນເຈົ້າໜ້າທີ່ເຮົາໄດ້ຮັບແຈ້ງຈາກພົນລະເມືອງດີ.

ວ່າມີຄົນໂດດຂົວເປັນເພດຍິງຫຼັງຈາກນັ້ນ ເຈົ້າໜ້າທີ່ຈິ່ງຮີບຮ້ອນລົງໄປກວດກາສະຖານທີ່ເກີດເຫດເມື່ອໄປຮອດຈຸດເກີດເຫດຈິງໄດ້ພົບເຫັນລົດເກັງ ເຊບໂລເລັກ ສີດໍາ ໝາຍເລກທະບຽນ….

ຈາກນັ້ນ ມູນນິທິຊ່ວຍເຫລືອຄົນທຸກຍາກ ແຫ່ງ ສປປ ລາວ ແຂວງຈຳປາສັກ ໃຫ້ຮູ້ວ່າ: ປະຕິບັດການຄົ້ນຫາ ໝໍລຳ ອິນແຕງ ແກ້ວບົວລາ ເລີ່ມແຕ່ຕັ້ງແຕ່ຕອນບ່າຍຂອງວັນທີ 19 ກັນຍາ 2022 ຈົນຮອດ 16:20′ ວັນທີ 20 ກັນຍາ 2022 ເປັນມື້ ມື້ທີ 2 ຍັງບໍ່ພົບ.

ແລະ ມື້ຕໍ່ມາເວລາ 09:20 ນາທີ ວັນທີ 21 ກັນຍາ 2022 ນີ້, ຜູ້ໃຊ້ເຟສບຸກຊື່ Somphiane Vorlabouth ໂພສວ່າ ພົບຮ່າງໝໍລຳອິນແຕ່ງແລ້ວ ທີ່ຫາງບ້ານເວີນ ເມືອງມຸນລະປາໂມກ ແຂວງຈຳປາສັກ ຮ່າງໄຮ້ວິນຍານແລ້ວ ໂດຍການຄົ້ນຫາໃຊ້ເວລາ 3 ມື້ ຮ່າງໄດ້ຟູນໍ້າຂຶ້ນມາ.

ຈາກການສືບສວນສອບສວນຂອງເຈົ້າໜ້າທີ່ ພ້ອມຫຼັກຖານຂອງຜູ້ກ່ຽວໄດ້ຂຽນຈົດໝາຍອໍາລາ ລົງສື່ອອນລາຍ ກ່ອນໂດດຂົວດັບຊີບເສຍຊີວິດຂອງ ໝໍລຳອິນແຕງ ແມ່ນຍ້ອນມາຈາກການຕິດໜີ້ພໍ່ຂອງຕົນລວມມູນຄ່າ 300 ລ້ານ ກີບ, ແລະ ມີບັນຫາຫຼາຍຢ່າງທີ່ບໍ່ສາມາດຄວບຄຸມອາລົມໂທສະຕົນເອງໄດ້ຈຶ່ງມີອາການຄຽດດັບຊີບຕົນເອງຢ່າງບໍ່ມີວັນຫວນກັບມາ.

ສ່ວນສົບ ນ ອິນແຕງ ແກ້ວບົວລາ ໄດ້ບັນເພັນຢູ່ ວັດນອກ ບ້ານ ຄັນແຍງ ເມືອງໂພນທອງ ແຂວງ ຈຳປາສັກ.

ຖືເປັນການສູນເສຍສິລະປິນຜູ້ສືບທອດວົງການສະແດງ, ໝໍລຳພື້ນບ້ານ ຜູ້ທີ່ເຕັມປ່ຽມດ້ວຍພອນສະຫວັນ ຂອງລາວຄົນໜຶ່ງ.

ຂໍສະແດງຄວາມເສຍໃຈກັບຄອບຄົວ ແລະ ມິດແຟນເພງໝໍລຳ ມານະທີ່ນີ້ດ້ວຍ.

cr. ສະເກັດຂ່າວ

Related Posts

Leave a Reply

Your email address will not be published.