ສະໜາມບິນສາກົນປາກເຊ ເກັບຄ່າຈອດ ຫຼື ບໍ່ຈອດ ກໍ່ຈ່າຍ 5000 ກີບ/ຄັ້ງ

ການເກັບຄ່າຜ່ານປະຕູເຂົ້າສະຖານທີ່ບໍລິການຜູ້ໂດຍສານ ເປັນສິ່ງທີ່ສັງຄົມຕັ້ງໂຈດກັນວ່າ ມີຄວາມເໝາະສົມບໍ່, ສົມຄວນແລ້ວບໍ່ ແລະ ຄວນມີການແກ້ໄຂ ຫລື ປັບປ່ຽນຄືແນວໃດ? ອັນທີ່ເປັນບັນຫາຟົດເດືອດກັນໃນສັງຄົມ ນັ້ນກໍຄືສະຖານີລົດໄຟລາວ-ຈີນ.

ແຕ່ທ່ານຮູ້ຫລືບໍ່ວ່າ ສະໜາມບິນສາກົນປາກເຊ ເປັນອີກສະຖານທີ່ໜຶ່ງ ທີ່ມີການເກັບຄ່າຜ່ານເຂົ້າປະຕູສະໜາມບິນ ຕ້ອງໄດ້ເສຍ 5.000 ກີບ/ຄັ້ງ/ຄັນ (ລົດໃຫຍ່)

ເຊິ່ງການເກັບຄ່າບໍລິການດັ່ງກ່າວນີ້ ຈະຈອດ ຫລື ບໍ່ຈອດ ກໍຕ້ອງໄດ້ເສຍ ແລະ ນອກຈາກນີ້ແລ້ວຍັງບໍ່ສາມາດຈອດຄ້າງຄືນໄດ້ອີກ.

ບັນຫານີ້ຖືກສ່ອງແສງມາຈຳນວນຫລາຍ ແລະ ເປັນເວລາດົນສົມຄວນແລ້ວ ເພື່ອໃຫ້ມີການແກ້ໄຂ ແຕ່ກໍບໍ່ມີຫຍັງປ່ຽນແປງ ໂດຍສັງຄົມໄດ້ສະເໜີວິທີຕ່າງໆເຊັ່ນ:

1. ຖ້າຫາກເກັບ ໃຫ້ແຍກກັນລະຫວ່າງຈອດ ກັບ ບໍ່ຈອດ ໂດຍຈີກປີ້ ກຳນົດເວລາໃຫ້ເພື່ອໃຫ້ຮູ້ວ່າເຂົ້າໄປຈັກຊົ່ວໂມງ, ຈັກນາທີ ຫາກກາຍກຳນົດຈຶ່ງເກັບ.

2. ຍົກເລີກການເກັບຄ່າຜ່ານທາງ ແລ້ວໄປຈີກປີ້ຢູ່ ສະຖານທີ່ຈອດ ຄືກັບສະໜາມບິນສາກົນວັດໄຕ ແລະ ແຫ່ງອື່ນໆ.

Related Posts

Leave a Reply

Your email address will not be published.