ຕາພິດປ່າ ເປັນຢາກັດຟ້າ,​ ຮັກສາອາການປວດທ້ອງ…​

ເປັນຢາກັດຝ້າມີລັກສະນະຄື: ຈັດເປັນພືດລົ້ມລຸກຂະໜາດນ້ອຍ. ລຳຕົ້ນເປັນລຳຫົວ, ຢຸ່ໃຕ້ດິນ. ໃບດ່ຽວ, ອອກຮຽງສະຫຼັບ, ໃບອ່ອນຮູບໄຂ່ , ຮູບຫົວໃຈ ຫຼື ຮູບສາມຫຼ່ຽມ, ໃບແກ່ເປັນແຍກເປັນ 3 ແສກ, ກ້ວາງ 5-8 ຊມ, ຍາວ 6-11 ຊມ, ໂຄນໃບຮູບລູກສອນ ຫຼື ຮູບຫົວໃຈ, ຂອບລຽບ ຫຼື ເປັນຄື້ນເລິກ, ປາຍແຫຼມ, ແຜ່ນໃບໜາຄ້າຍຄືໜັງ, ຜິວໃບດ້ານເທິງເປັນສີຂຽວເຂັ້ມ, ຜິວໃບດ້ານລຸ່ມເປັນສີຂຽວອ່ອນ. ກ້ານໃບກົມ, ຍາວປະມານ 15 ຊມ.

ຊໍ່ດອກຍາວປະມານ 20 ຊມ, ມີກາບດອກຮູບໄຂ່, ສີມ່ວງເຂັ້ມ. ດອກແມ່ຈັບຢູ່ບໍລິເວນໂຄນ, ຍາວປະມານ 5 ມມ, ເຕົ້າໄຂ່ສີຂາວປົນສີຄີມ, ປາຍຮວງຮັບເປັນສີມ່ວງ. ດອກເພດຜູ້ມີຈຳນວນຫຼາຍ, ເກສອນເພດຜູ້ມີ 2-3 ອັນ, ບໍ່ກ້ານຖົງລະອອງ,

ຖົງລະອອງຮູບສ້ວຍ, ມີຮູເປີດຢູ່ປາຍ, ສີເຫຼືອງ, ປາຍຊໍ່ຈະເປັນຫາງຍາວບິດກ້ຽວເລັກນ້ອຍ, ຮູບຮີ, ເສັ້ນຜ່າສູນກາງ 3-4 ມມ, ສີມ່ວງປົນນ້ຳຕານເຂັ້ມ, ຍາວ 12-15 ຊມ, ດອກເພດຜູ້ທີ່ເປັນໝັນໜາແໜ້ນໂຄ້ງງໍ, ຍາວ 6-9 ມມ, ສີເຫຼືອງ. ໝາກຮູບໄຂ່ ຫຼື ຮູບຂອບຂະໜານ, ສີຂາວ.

ການນຳໃຊ້ເປັນອາຫານ: ໃບອ່ອນນຳໄປເຮັດແກງບອນ, ແກງຄູ່ກັບຜັກຕຳນິນ ແລະ ແກງໃສ່ກັບຜັກກູດ. ກາບ: ນຳໄປຊ່ວຍໃຫ້ລະອຽດໃຊ້ດອງກິນເປັນອາຫານໄດ້, ກ້ານໃບ: ຫຼອກເອົາເປືອກອອກແລ້ວໃສ່ແກງສົ້ມ.

ສັບພະຄຸນ: ຫົວ ໃຊ້ຕົ້ມເປັນຢາກັດຝ້າ, ໜອງ, ແກ້ອາການທ້ອງພູກ ຫຼື ນຳມາປີ້ງຮັກສາແຜ. ຮາກມີປະສິດທິພາບຊ່ວຍກະຕຸ້ນ ແລະ ຮັກສາລິດຊີດວງທະວານ, ກິນກັບກ້ວຍຊ່ວຍຮັກສາອາການປວດທ້ອງ, ກິນຮັກສາຜິດງູກັດ ຫຼື ຈະໃຊ້ສຳລັບທາພາຍນອກກໍ່ໄດ້.

ຂອບໃຈ: ພາເຂົ້າລາວ

Related Posts

Leave a Reply

Your email address will not be published. Required fields are marked *