ແຊຣ໌ແມະ.! ດອກກະຈຽວ ຊ່ວຍຂັບຖ່າຍໄດ້ດີ, ແກ້ອາການທ້ອງອືດ ແລະ ຂັບສານພິດຕົກຄ້າງໃນຮ່າງກາຍ

ຄຸນຄ່າທາງໂພຊະນາການຂອງກະຈຽວ: ສໍາລັບດອກກະຈຽວ ນິຍົມນໍາມາກິນໜໍ່ອ່ອນ ແລະ ດອກ ກິນເປັນຜັກສົດ ໂດຍນັກໂພຊະນາການໄດ້ສືກສາຄຸນຄ່າທາງດ້ານໂພຊະນາການຂອງດອກກະຈຽວຂະໜາດ 100 ກຼາມ ໃຫ້ພະລັງງານ 35 ກິໂລແຄລໍລີ່ ມີສານອາຫານສໍາຄັນ ປະກອບດ້ວຍຄາໂບໄຮເດຣດ 6 ກຼາມ ໂປຕີນ 1,3 ກຼາມ ຟອສຟໍຣັສ 40 ມິນລີກຼາມ ແຄລຊ້ຽມ 45 ມິນລີກຼາມ ທາດເຫຼັກ 2 ມິນລີກຼາມ ແລະ ວິຕາມິນຕ່າງໆຄື ວິຕາມິນເອ ວິຕາມິນບີ1 ແລະ ວິຕາມິນບີ2

ປະໂຫຍດຂອງດອກກະຈຽວ: ສໍາລັບການໃຊ້ປະໂຫຍດຂອງດອກກະຈຽວ ນັ້ນນິຍົມນໍາມາກິນຄືກັບຜັກພື້ນບ້ານທົ່ວໄປ ໂດຍກິນໜໍ່ອ່ອນ ແລະ ດອກກະຈຽວ ນໍາມາລວກ ກິນເປັນຜັກສົດ ນິຍົມມາກິນກັບແຈ່ວ ລາບ ເຊິ່ງປະໂຫຍດຈາການກິນກະຈຽວນອກຈາກຈະເປັນອາຫານແລ້ວ ມີສັບພະຄຸນໃນການບໍາລຸງຮ່າງກາຍ ແລະ ການຮັກສາໂລກອີກດ້ວຍ

ສັບພະຄຸນຂອງດອກກະຈຽວ:

– ລໍາຕົ້ນກະຈຽວ ມີກາກໄຍສູງ ຊ່ວຍກະຕຸ້ນໃຫ້ລໍາໄສ້ບີບຂັບຖ່າຍໄດ້ດີ, ຊ່ວຍປ້ອງກັນອາການທ້ອງຜູກ, ຫຼຸດຄໍເລດຕໍລໍໃນເລືອດ, ຊ່ວຍຂັບສານພິດຕົກຄ້າງໃນຮ່າງກາຍ ໜໍ່ອ່ອນໃຊ້ເປັນຢາສະໝານບາດແຜ

– ດອກກະຈຽວ ມີລົດເຜັດຮ້ອນມີກິ່ນຫອມ ສັບພະຄຸນຊ່ວຍຂັບລົມໃນກະເພາະອາຫານ ແກ້ອາການທ້ອງອືດ ຮັກສາທ້ອງເຟີ້ ຫຼຸດກົດໃນກະເພາະອາຫານ ຊ່ວຍແກ້ມົດລູກອັກເສບສໍາລັບຜູ້ຍິງຫຼັງເກີດລູກ

– ເຫງົ້່າຂອງດອກກະຈຽວ ສັບພະຄຸນເປັນຢາ ແກ້ປວດເມື່ອຍ ຂອງຮ່າງກາຍ

Related Posts

Leave a Reply

Your email address will not be published. Required fields are marked *