ຜູ່ນໍາລົງມອບຂອງຂວັນ ໃຫ້ນ າຍແລະພົ ນທະ ຫານ

ເນື່ອງໃນໂອກາດວັນສ້າງຕັ້ງກອງທັບປະຊາຊົນ ປະຕິວັດລາວຄົບຮອບ 72 ປີ ( 20 ມັງກອນ 1949-20 ມັງກອນ 2021 ) ທີ່ໝູນວຽນມາບັນຈົບຄົບຮອບອີກວາລະໜຶ່ງ, ວັນທີ 20 ມັງກອນນີ້ ການນໍາເມືອງເມິງ ແຂວງບໍ່ແກ້ວ ທ່ານ ສີວິໄລ ສີຫາລາດ, ຄະນະປະຈໍາພັກເມືອງ, ຜູ້ຊີ້ນໍາວຽກງານອົງການຈັດຕັ້ງມະຫາຊົນເມືອງ, ມີຄະນະບໍລິຫານງານຊາວໜຸ່ມເມືອງ.

ຄະນະໜ່ວຍຊາວໜຸ່ມພະແນກການອ້ອມຂ້າງເມືອງ ພ້ອມດ້ວຍສະມາຊິກຊາວໜຸ່ມ ໄປມອບໃຫ້ກັບບັນດາອ້າຍນອງຢູ່ກອງບັນຊາການທະຫານເມືອງເມິງ ໄດ້ນໍາເອົາກະຕ່າຂອງຂວັນ ແລະ ອາຫານແຫ້ງເຊັ່ນ: ໝີ່ໄວໆ, ປ໋ອງປາ, ເກືອ, ແປ້ງນົວ ແລະ ອື່ນໆ. ທ່ານ ສີວິໄລ ສີຫາລາດ ກ່າວວ່າ: ການລົງມອບອຸປະກອນ, ຂອງຂວັນໃນຄັ້ງນີ້ ກໍ່ເພື່ອເປັນການຊຸກຢູ້ໃຫ້ກໍາລັງໃຈອ້າຍນ້ອງທະຫານ ທີ່ພວມປະຕິບັດໜ້າທີ່ວຽກງານຕາມການມອບໝາຍ ພ້ອມນີ້ ທ່ານຍັງໄດ້ກ່າວຄໍາອວຍພອນໃຫ້ນາຍ ແລະ ພົນທະຫານທຸກສະຫາຍ ເນື່ອງໃນໂອກາດວັນສ້າງຕັ້ງກອງທັບປະຊາຊົນ ປະຕິວັດລາວ ຂໍ່ໃຫ້ມີຄວາມສຸກສົມຫວັງ, ມີສຸຂະ ພາບແຂງແຮງ.

ມີພະລານາໄມສົມບູນ, ຫ່າງໄກຈາກຄວາມເຈັບປວດນາໆປະການ, ພອນໃດທີ່ປະເສີດ ສິ່ງໃດທີເລີດລໍ້າຈົ່ງບັງເກີດໃຫ້ແກ່ອ້າຍນ້ອງທະຫານທຸກສະຫາຍ, ພ້ອມດຽວກັນນີ້ ທ່ານ ຄໍາແດງ ກາດອນສິງ, ກໍາມະການພັກເມືອງ, ຫົວໜ້າການເມືອງກອງບັນຊາການທະຫານເມືອງ ຕາງໜ້າໃຫ້ແກ່ນາຍ ແລະ ພົນທະຫານ ກໍ່ໄດ້ກ່າວຄໍາຂອບໃຈຕໍ່ການນໍາຂອງເມືອງ ແລະ ຄະນະບໍລິຫານງານຊາວໜຸ່ມເມືອງທຸກຂັ້ນ ທີ່ໃຫ້ການຊຸກຍູ້ເປັນຫ່ວງເປັນໄຍອ້າຍນ້ອງທະຫານຕະຫຼອດມາ ພ້ອມທັງປະຕິຍານວ່າ:

ພ້ອມແລ້ວຈະເອົາໃຈໃສ່ປະຕິບັດວຽກງານປ້ອງກັນຊາດ-ປ້ອງກັນຄວາມສະຫງົບ, ຮັກສາເຂດນໍ້າແດນດິນຂອງເຮົາໄວ້ໃຫ້ໝັ້ນຄົງຕະຫຼອດໄປ

ຂ່າວ ສຸນິດາ ໄຊຍະຫົງຫ້ອງການຊາວໜຸ່ມເມືອງເມິງ

Related Posts

Leave a Reply

Your email address will not be published. Required fields are marked *