ຕ້ານການສໍ້ລາດບັງຫຼວງ ແມ່ນຫນ້າທີ່ຂອງຫມົດທຸກຄົນ

ຕາມຂ່າວສານ ຂປລ. ໃຫ້ຮູ້ວ່າ ເມື່ອທ້າຍອາທິດຜ່ານມາ ອົງການກວດກາກາລັດຖະບານ ຮ່ວມກັບສະຖາບັນຊ່ວຍເຫລືອທາງດ້ານກົດໝາຍ ແລະ ວິຊາການ ປະເທດລຸກຊໍາບວກ (ILSTA), ໄດ້ຈັດພິທີ ສະເຫລີມສະຫລອງວັນສາ ກົນຕ້ານການສໍ້ລາດບັງຫລວງ ຄົບຮອບ 17 ປີ (9 ທັນວາ 2003 ຫາ 9 ທັນວາ 2020)

ຂຶ້ນທີ່ໂຮງຮຽນມັດທະຍົມສົມບູນສາລາຄຳ ເມືອງຫາດຊາຍຟອງ ນະຄອນຫລວງວຽງຈັນ, ໂດຍໃຫ້ກຽດເປັນປະທານຮ່ວມຂອງ ທ່ານ ໄຊຄຳ ອຸ່ນມີໄຊ ຮອງປະທານອົງການກວດກາລັດຖະບານ, ຮອງຫົວໜ້າອົງການຕ້ານການສໍ້ລາດບັງຫລວງຂັ້ນສູນກາງ, ທ່ານ ນາງ ອາລິນາ ທິມຸດ ເຈົ້າໜ້າທີ່ສະຖາບັນຊ່ວຍເຫລືອທາງດ້ານກົດໝາຍ

ແລະ ວິຊາການ ປະເທດລຸກຊຳບວກ, ທ່ານ ບຸນຊົມ ສຸດທິວົງ ຜູ້ອໍານວຍການໂຮງຮຽນມັດທະຍົມສົມບູນ ສາລາຄຳ, ພ້ອມດ້ວຍພະນັກງານ, ຄູ-ອາຈານ ແລະ ນ້ອງນັກຮຽນເຂົ້າຮ່ວມ.

ໃນພິທີດັ່ງກ່າວ, ທ່ານ ໄຊຄໍາ ອຸ່ນມີໄຊ ໄດ້ຫວນຄືນຄວາມເປັນມາ ຂອງວັນສາກົນຕ້ານການສໍ້ລາດບັງຫລວງ ໂດຍທ່ານໄດ້ຍົກໃຫ້ເຫັນຜົນຮ້າຍ ແລະ ຄວາມເປັນອັນຕະລາຍຂອງການສໍ້ລາດບັງຫລວງ, ຊຶ່ງແມ່ນອາຊະຍາກຳໜຶ່ງ ທີ່ເກີດຂຶ້ນໃນກົງຈັກການຈັດຕັ້ງຂອງພາກລັດ, ເປັນໄພອັນຕະລາຍອັນໃຫຍ່ຫລວງທີ່ສົ່ງຜົນກະທົບ

ແລະ ກົດໜ່ວງຖ່ວງດຶງ ການພັດທະນາເສດຖະກິດ-ສັງຄົມ ຂອງແຕ່ລະປະເທດໃນໂລກ ບໍ່ວ່າຈະແມ່ນປະເທດນ້ອຍ, ໃຫຍ່, ທຸກຍາກ ຫລື ຮັ່ງມີ ກໍ່ລ້ວນແຕ່ໄດ້ຮັບຜົນກະທົບ, ດັ່ງນັ້ນໃນກອງປະຊຸມໃຫຍ່ອົງການສະຫະປະຊາຊາດປີ 2.000 ໄດ້ກໍານົດຄວາມຈໍາເປັນ ໃນການສ້າງກົດໝາຍສາ ກົນ ທີ່ມີປະສິດທິຜົນໃນການສະກັດກັ້ນ.

ແລະ ຕ້ານການສໍ້ລາດບັງຫລວງໃນຂອບເຂດທົ່ວໂລກ. ຈາກນັ້ນ, ສົນທິສັນຍາສະຫະປະຊາຊາດ ວ່າດ້ວຍການຕ້ານການສໍ້ລາດບັງຫລວງ ໄດ້ຖືກຮັບຮອງເອົາຢ່າງເປັນເອກະ ສັນ ໃນວັນທີ 18 ທັນວາ 2002 ທີ່ນະຄອນນິວຢອກ ສະຫະລັດອາເມຣິກາ ແລະ ໄດ້ເປີດໃຫ້ບັນດາປະເທດລົງນາມຮັບຮອງ.

ໃນວັນທີ 9-11 ທັນວາ 2003 ທີ່ເມືອງ ເມລິດາ ປະເທດແມັກຊີໂກ, (ສຳລັບ ສປປ ລາວ ໄດ້ລົງນາມໃນວັນທີ 10 ທັນວາ 2003 ແລະ ໃຫ້ສັດຕະຍາບັນ ໃນວັນທີ 25 ກັນຍາ 2009 ເປັນຕົ້ນມາ).

ນອກນີ້, ຍັງໄດ້ຍົກໃຫ້ເຫັນຜົນຮ້າຍ ແລະ ຄວາມເປັນອັນຕະລາຍ ຂອງການສໍ້ລາດບັງຫລວງ ໃຫ້ແກ່ພະນັກງານ, ຄູ-ອາຈານ ແລະ ນັກຮຽນ, ນັກສຶກສາ, ປັນຍາຊົນທຸກຊັ້ນຄົນ ໃຫ້ຮັບຮູ້ເຂົ້າ ໃຈຢ່າງເລິກເຊິ່ງ ເພື່ອເຮັດໃຫ້ວຽກງານສະກັດກັ້ນ ແລະ ຕ້ານການສໍ້ລາດບັງຫລວງ ບໍ່ແມ່ນວຽກສະເພາະຂອງອົງການຈັດຕັ້ງໃດໜຶ່ງ ແລະ ປະເທດໃດໜຶ່ງ.

ແຕ່ເປັນໜ້າທີ່ ແລະ ຄວາມຮັບຜິດຊອບຂອງໝົດທຸກຄົນໃນສັງຄົມ ທີ່ຈະຕ້ອງເປັນເຈົ້າການເຂົ້າຮ່ວມການສະກັດກັ້ນ ແລະ ຕ້ານການສໍ້ລາດບັງຫລວງ, ຕ້ານການຟູມເຟືອຍ ແລະ ພ້ອມກັນປະຕິບັດນະໂຍບາຍປະຢັດແຫ່ງຊາດ, ຄຸ້ມຄອງ ແລະ ນໍາໃຊ້ທຸກແຫລ່ງລາຍຮັບຂອງຊາດຢ່າງຄຸ້ມຄ່າ ແລະ ມີປະສິດທິຜົນ

ເຂົ້າໃນພາລະກິດແຫ່ງການປົກປັກຮັກສາ ແລະ ສ້າງ ສາພັດທະນາປະເທດຊາດ ໃຫ້ມັ່ງຄັ້ງເຂັ້ມແຂງ, ປະຊາຊົນຮັ່ງມີຜາສຸກ, ສັງຄົມມີຄວາມສາມັກຄີປອງດອງ,ມີປະຊາທິປະໄຕ, ຍຸຕິທຳ ແລະ ສີວິໄລ. ເອົາໃຈໃສ່ເພີ່ມທະວີການໂຄສະນາສຶກສາອົບຮົມ, ປຸກລະດົມທຸກການຈັດຕັ້ງ ແລະ ພົນລະເມືອງລາວ ໃຫ້ຮັບຮູ້-ເຂົ້າໃຈ.

ແລະ ເຫັນໄດ້ໄພອັນຕະລາຍຂອງການສໍ້ລາດບັງຫລວງຕາມທິດນຳທີ່ວ່າ: ບໍ່ກ້າ, ບໍ່ສາມາດ ແລະ ບໍ່ຢາກສໍ້ລາດບັງຫລວງ; ໂຄສະນາເຜີຍແຜ່ກົດໝາຍວ່າດ້ວຍການຕ້ານການສໍ້ລາດບັງຫລວງ, ກົດໝາຍ ແລະ ນິຕິກຳທີ່ກ່ຽວຂ້ອງໃຫ້ພະນັກງານ-ລັດຖະກອນ, ທະຫານ, ຕຳຫລວດ ແລະ ປະຊາຊົນຊັ້ນຄົນຕ່າງໆໄດ້ຮັບຮູ້ເຂົ້າໃຈຢ່າງກວ້າງຂວາງ-ທົ່ວເຖິງເລິກເຊິ່ງ, ທັງເປັນເຈົ້າການເຂົ້າຮ່ວມການສະກັດກັ້ນ ແລະ ຕ້ານການສໍ້ລາດບັງຫລວງໃຫ້ແຂງແຮງກວ່າເກົ່າ..

ນອກນີ້, ທ່ານ ເທບພະໄທ ພັນກ້າ ຮອງຫົວໜ້າກົມຕ້ານ ແລະ ສືບສວນສອບສວນ ກໍໄດ້ຂຶ້ນບັນ ຍາຍ ບົດຮຽນກ່ຽວກັບວຽກງານສະກັດກັ້ນ ແລະ ຕ້ານການສໍ້ລາດບັງຫລວງຢູ ສປປ ລາວ, ທ່ານ ນາງ ອາລິນາ ທິມຸດ ເຈົ້າໜ້າທີ່ສະຖາບັນຊ່ວຍເຫລືອທາງດ້ານກົດໝາຍ ແລະ ວິຊາການ ປະເທດລຸກຊຳບວກ.

ໄດ້ບັນຍາຍ ກ່ຽວກັບບົດຮຽນສະກັດກັ້ນ ແລະ ຕ້ານການສໍ້ລາດບັງຫລວງຢູ່ສາກົນ. ໃນຕອນທ້າຍພິທີ ໄດ້ມີກິດຈະກຳ ຖາມ-ຕອບຄຳຖາມ ກ່ຽວກັບວຽກງານສະກັດກັ້ນ ແລະ ຕ້ານການສໍ້ລາດບັງຫລວງ ແລະ ໄດ້ມອບໂປສເຕີໂຄສະນາ ໃຫ້ແກ່ໂຮງຮຽນມັດທະຍົມສົມບູນສາລາຄຳ.

Related Posts

Leave a Reply

Your email address will not be published. Required fields are marked *