ຮັກແລະຈິງໃຈເປັນຂອງມີຄ່າ​ ແຕ່ມີຄ່າຍິ່ງກວ່ານັ້ນຄື ການໃຫ້ໂອກາດ ແລະ ໃຫ້ອະໄພ ສຸດທ້າຍພາລະກີດທີ່ລໍຄ່ອຍກໍ່ສຳເລັດລົງດ້ວຍດີ

(ທີມງານ: ເມດຕາທັມ​ ນຳຊີວິດ) ຊ່ວຍເຫຼືອສັງຄົມປຸກເຮືອນຫຼັງໃໝ່ໃຫ້ (ບຸກຄົນ ຂາດທີ່ຢູ່ອາໃສ) ເພື່ອແບ່ງເບົາທາງດ້ານທີ່ຢູ່ອາໃສ ແລະ ອຳນວຍຄວາມສະດວກໃຫ້ແກ່ຄອບຄົວ ທ້າວ​ ຈັນທາ ນາງບຸນ ແລະ ລູກຊື່ນາງ ພຽນ ຢູ່ບ້ານໂງ່ນ ເມືອງຊ່ອນ ແຂວງຫົວພັນ​ ເຊິ່ງເປັນຄອບຄົວໜຶ່ງ​ທີ່ຂາດທີ່ຢູ່ອາໃສ ເຊັ່ນ.

ບໍ່ມີເຮືອນຢູ່ຖາວອນ ບໍ່ມີໄຟຟ້າ ບໍ່ມີຫ້ອງນໍ້າ​ ຍ້ອນວ່າ(ພໍ່ ແມ່ ສະຕິບໍ່ສົມປະກອບທັ້ງ 2 ຄົນ ໃນການໃຊ້ຊີວິດການເປັນຢູ່ກໍ່ຍາກລຳບາກ.

ດັ່ງນັ້ນ ໃນວັນທີ​ 16/01/2021​ ທາງທີມງານ ເມດຕາທັມ​ ນຳຊີວິດ ຈິ່ງໄດ້ເປີດຮັບຈາກ ຂໍຄວາມຊ່ວຍເຫຼືອວັດຖຸປັດໃຈ ເປັນເວລາ 10 ມື້.

ນັບແຕ່ວັນທີ 16/01/2021​ -​ 25/01/2021 ຫຼັງຈາກນັ້ນ ໃນວັນທີ 25/01/2021 ທາງທີມງານກໍ່ໄດ້ອອກເດີນທາງ ເພື່ອນຳເອົາວັດຖຸປັດໃຈດັ່ງກ່າວໄປສ້າງເຮືອນຫຼັງໃໝ່ ສ້າງ​ເຮືອນຄົວ ແລະ ສ້າງຫ້ອງນໍ້າໃຫ້ຄອບຄົວ ການສ້າງເຮືອນຫຼັງໃໝ່ມີ ຂະໜາດ 7​ X 9 ແມັດ ມຸ້ງດ້ວຍກະເປື້ອງ ສ້າງ​ເຮືອນຄົວ ແລະສ້າງຫ້ອງນໍ້າ 1 ຫ້ອງ.​

ເຊິ່ງວັດຖຸອຸປະກອນທີ່ນຳມາປຸກເຮືອນ ໃນຄັ້ງນີ້ ໄດ້ລະດົມ ຂໍຄວາມຊ່ວຍເຫຼືອຜ່ານທາງເຟສບຸກ ນຳບັນດານັກທຸກລະກີດ,​ ຜູ້ປະກອບການ​ ແລະ ພໍ່ຄ້າ​ -​ ຊາວຂາຍ ແລະອື່ນໆ.

​ເຊິ່ງມີລາຍລະອຽດຕາມດັ່ງນີ້

1.​ ຍອດ​ເງີນ​ບໍລິຈາກ​ທັງໝົດ 48,350,000ກີບ (ສີ່ສີບແປດລ້ານສາມແສນຫ້າສີບພັນກີບ)

ເບິ່ງໃບບິນຮັບເງີນ

2.​ ລາຍຈ່າຍໃນການຊື້ວັດຖຸອຸປະກອນກໍ່ສ້າງ = 29,981,000ກີບ (ຊາວເກົ້າລ້ານເກົ້າແສນແປດສີບເອັດພັນກີບ

ເບິ່ງໃບບິນຮັບເງີນ

3.​ ຄ່າແຮງງານນາຍຊ່າງ​ = 6,000,000 ກີບ(ຫົກລ້ານກີບ)

ເບິ່ງໃບບິນຮັບເງີນ

4.​ ຊື້ເຄື່ອງເຮັດພິທີມອບເຮືອນໃຫ້ຄອບຄົວ = 1,000,000ກີບ (ໜື່ງລ້ານກີບ)

ເບິ່ງໃບບິນຮັບເງີນ

5.​ ຊື້ອາຫານການກິນລ້ຽງອ້າຍນ້ອງທີມງານເຮັດວຽກ = 3,000,000 ກີບ (ສາມລ້ານກີບ)

ເບິ່ງໃບບິນຮັບເງີນ

6.​ ຊື້ອຸປະກອນການຮຽນ ແລະ ຊື້ເຄື່ອງໃຊ້ເຮືອນ = 1,019,000​ ກີບ(ໜື່ງລ້ານສີບເກົ້າພັນກີບ)

ເບິ່ງໃບບິນຮັບເງີນ

7.​ ທຶນການສຶກສາຂອງ​ນາງ​ພຽນ ສອງປີຕໍ່ໜ້າ = 2,350,000 ກີບ(ສອງລ້ານສາມແສນຫ້າສີບພັນກີບ)

ເບິ່ງໃບບິນຮັບເງີນ

8. ແມ່​ Thi Ngoc​ Vo ອຸປະຖຳເຊົ່າລົດໃຫ້ທີມງານງານ 1​ ຄັນເພື່ອອຳນວຍຄວາມສະດວກໃນການເດີນທາງ ມູນຄ່າທັງໝົດ 6,000,000 ກີບ​.

ເບິ່ງໃບບິນຮັບເງີນ

9.​ ລາຍລະອຽດການໃຊ້ຈ່າຍຊື້ວັດຖຸອຸປະກອນກໍ່ສ້າງແມ່ນເບິ່ງໃບບິນຮັບເງີນ ໃນໂພສນີ້ ເລື່ອນລົງອ່ານເອງເພື່ອຄວາມລະອຽດ.

ເບິ່ງໃບບິນຮັບເງີນ

#ພິເສດຂໍສະແດງຄວາມຂອບໃຈມາຍັງທີມງານ.​ ເມດຕາທັມ​ ນຳຊີວິດ​ (ຢູ່ຕ່າງປະເທດ, ຝຣັ່ງ) ສົມທົບທຶນໃນການຊ່ວຍເຫຼືອລວມມູ່ນຄ່າທັງໝົດ 23.600.000 ກີບ #ຂໍສະແດງຄວາມຂອບໃຈມາຍັງ​ ທ່ານ ໂຊກໄຊ ສຸຂະວົງ ປະທ່ານ​ ບໍລິສັດ Skv group ສົມທົບທຶນຊ່ວຍເຫຼືອຊື້ວັດຖຸອຸປະກອນການກໍ່ສ້າງ ລວມມູນຄ່າທັງໝົດ 10.000.000 ກີບ.

ເບິ່ງໃບບິນຮັບເງີນ

#ຂໍສະແດງຄວາມຂອບໃຈມາຍັງທີມງານ. ອະດີດ​ ນັກສຶກສາ ວິທະຍາໄລ ສະຫວັນນະເຂດ​ ທີ່ຢູ່ຕ່າງປະເທດ​(USA and​ French)​ ສົມທົບທຶນຊ່ວຍເຫຼືອ ລວມມູນຄ່າທັງໝົດ 4.350.000 ກີບ​ ໃນນັ້ນເຂົ້າໃນການຊື້ວັດຖຸອຸປະກອນການກໍ່ສ້າງ 2.000.000​ ກີບ​ ແລະ ທຶນການສຶກສາຂອງ​ນາງ​ ພຽນ​ ສອງປີຕໍ່ໜ້າ​ 2.350.000​ ກີບ

#ຂໍສະແດງຄວາມຂອບໃຈມາຍັງ​ LAO​ Skyway​ ສົມທົບທຶນຊ່ວຍເຫຼືອ​ນາງ ພຽນ​ ລວມທັງໝົດແມ່ນ 400.000​ ກີບ ແລະ​ ຂໍຂອບໃຈນຳທຸກພາກສ່ວນທາງພາຍໃນ ແລະ ຕ່າງປະເທດທີ່ສົມທົບທຶນຊ່ວຍເຫຼືອ​ສ້າງເຮືອນໃຫ້ຄອບຄົວ​ ທ້າວ ຈັນທາ, ນາງ ບຸນ​ ລູກຊື່ ນາງ ພຽນ ໃນຄັ້ງນີ້.

ເບິ່ງໃບບິນຮັບເງີນ

ສຸດທ້າຍ​ນີ້ຂໍສະແດງຄວາມຂອບໃຈ​ທີມງານ​ອາສາ​ (ເມດຕາທັມ ນຳຊີວິດ)​ ທຸກໆທ່ານ​ ທີ່ເອົາໃຈໃສ່​ໃນການຊ່ວຍເຫຼືອຄັ້ງນີ້​ ຂໍໃຫ້ທຸກທ່ານ ຈົ່ງມີສຸຂະພາບແຂງແຮງ ປະສົບຜົນສຳເລັດໃນໜ້າທີ່ການງານ ປາດຖະໜາສີ່ງໃດໃຫ້ໄດ້ສີ່ງນັ້ນ​ ມີຄວາມພາສຸກ​ໃນຊີວິດ​ສ່ວນຕົວ​ ແລະ​ ຄອບຄົວ ຂໍ​ຂອບໃຈ.

Related Posts

Leave a Reply

Your email address will not be published.