ພຣະພຸດທະຮູບຈໍານວນຫຼວງຫລາຍເຖິງ 229 ອົງ ແລະ ລ້ວນແຕ່ມີອາຍຸເກົ່າແກ່ກວ່າ 600 ປີ

ບໍລິເວນຖ້ຳພະ-ໜອງປາຝາ ແມ່ນຖ້ຳສອງຊັ້ນຢອງກັນຢູ່ ເຊິ່ງຊັ້ນທີ່ ຢູ່ຂ້າງເທິງແມ່ນຖ້ຳແຫ້ງ ທີ່ມີພະພຸດທະຮູບຂະໜາດໃຫຍ່ ແລະ ນ້ອຍເກົ່າ ແກ່ປະດິດສະຖານຢູ່ຕາມພັກຄ້າຍຄືຂັ້ນໄດ.

ສ່ວນຖ້ຳທີ່ຢູ່ດ້ານລຸ່ມ ແມ່ນຖ້ຳນ້ຳ ທີ່ມີສາຍນ້ຳຈາກໜອງປາຝາ ໄຫຼຜ່ານທະລຸເຂົ້າໄປໃນຖ້ຳ.

ຖ້ຳທັງສອງ ຂັ້ນນີ້ ມີຄວາມຍາວປະມານ 200 ແມັດ ເຊິ່ງເປັນຖ້ຳທີ່ມີຄວາມສວຍງາມ, ເຕັມໄປດ້ວຍຫີນຍ້ອຍຫຼາຍຂະໜາດ ແລະ ຮູບຮ່າງແຕກຕ່າງກັນ ຢັ່ງຢາຍ ກັນຢູ່ເປັນຍ່ານ.

ຖໍ້າພຣະ ເຂດບ້ານນາຂ້າງຊ້າງ ແຂວງຄໍາມ່ວນ ຕາມເສັ້ນທາງສາຍເລກທີ 12 ຫ່າງຈາກຕົວເມືອງທ່າແຂກປະມານ 14 kmໃນປີ 2004, ລຸງບຸນນົງ ຊາວບ້ານນາຂ້າງຊ້າງ ເຫັນຝູງເຈຍບິນເຂົ້າ-ບິນອອກຮູຕາມຜາ ທີ່ສູງ 28 ກວ່າແມັດ, ລາວປີນໜ້າຝາຂຶ້ນໄປຈົນພົບ ປາກຖ້ຳ ທີ່ມີຄວາມກ້ວາງ 15 ແມັດ.

ລາວໄດ້ພົບເຫັນພະພຸດທະຮູບຈຳນວນຫຼວງຫຼາຍ, ຕໍ່ມາອຳນາດການປົກຄອງ ແລະ ຊາວບ້ານ ຈຶ່ງໄດ້ທຳພິ ທີຄາລະວະ ແລະ ປົກປັກຮັກສາພະພຸດທະຮູບອັນລ້ຳຄ່າເຫຼົ່ານີ້ໄວ້ ໃນສະຖານທີ່ດັ້ງເດີມ. ພະພຸດທະຮູບເຫຼົ່ານີ້ ແມ່ນມໍລະດົກຕົກທອດມາແຕ່ຍຸກສະ ໄໝ ຂອງອານາຈັກສີໂຄດຕະບອງ ແລະ ລ້ານຊ້າງ.​

ພາຍໃນຖໍ້າດັ່ງກ່າວມີພຣະພຸດທະຮູບຈໍານວນຫຼວງຫລາຍເຖິງ 229 ອົງ ແລະ ລ້ວນແຕ່ມີອາຍຸເກົ່າແກ່ກວ່າ 600 ປີ, ຢູ່ດ້ານໃນຂອງຖໍ້າມີປາຝາທີ່ສວຍງາມ ອັນເປັນທີ່ມາແຫ່ງ “ຖໍ້າຫນອງປາຝາ”, ຖໍ້ານີ້ມີລັກສະນະເປັນຖໍ້າສອງຊັ້ນ, ດ້ານເທີງມີພະພຸດທະຮູບຂະໜາດນ້ອຍໃຫຍ່ເກົ່າແກ່ປະດິດສະຖານຢູ່ຕາມພັກຄ້າຍຄືຂັ້ນໄດ,

ຖໍ້າດ້ານລຸ່ມ ແມ່ນມີນໍ້າໄຫຼລອດອອກມາຈາກຫນອງປາຝາ ແລະ ທັງສອງຖໍ້າມີຄວາມຍາວປະມານ 200 ແມັດ, ເປັນຖໍ້າທີ່ມີຄວາມງົດງາມຫລາຍ ເຕັມໄປດ້ວຍຫີນງອກຫີນຍ້ອຍ ຫຼາກຫຼາຍຂະໜາດ, ມີຮູບຮ່າງທີ່ແຕກຕ່າງກັນໄປຢັ່ງຢາຍໄປຕາມຖໍ້າ.

Related Posts

Leave a Reply

Your email address will not be published. Required fields are marked *