ອ່ານແມະ.! ຄົນຮັກທີ່ເຄີຍນອກໃຈກໍ່ປຽບເໝືອນຂີ້ເຫຍື້ອ ທີ່ບໍ່ຄວນນຳກັບມາໃຊ້ໃໝ່

ແຟນເກົ່າທີ່ນອກໃຈເຮົາ ໄປມີຄົນໃໝ່ອາດຈະມີຄ່າໃຫ້ຈົດຈໍາ ແຕ່ຂໍຢໍ້າວ່າຢ່າຍ່າງກັບໄປ ເຈັບແລ້ວຕ້ອງຈຳ 5 ເຫດຜົນທີ່ເຈົ້າບໍ່ຄວນກັບໄປຫາເຂົາອີກ ເຄຍຮ້ອງໄຫ້ເສີຍໃຈຂະໜາດໃດ ຈື່ໄດ້ບໍ່ ຍັງຈະເອົາຫົວໃຈໄປໃຫ້ເຈົາທຳຮ້າຍອີກຈັກເທື່ອຈຶ່ງຈະພໍ ຮັກຕົວເອງແດ່ກະດີ

ການນອກໃຈໄປມີຄົນໃໝ່ເປັນບັນຫາຢ່າງໜຶ່ງຂອງຄວາມຮັກເລີຍກໍ່ວ່າໄດ້ ເພາະວ່າເປັນສິ່ງທີ່ຮຸນແຮງຫຼາຍ ເພາະຫາກຄົນຮັກກັນແລ້ວຍັງນອກໃຈກັນ ບໍ່ວ່າໃຜກໍ່ຮັບບໍ່ໄດ້ທັງນັ້ນແລະ ມື້ນີ້ເຮົາຈະມານຳສະເໜີບົດຄວາມກ່ຽວກັບ 5 ເຫດຜົນດີໆ ທີ່ເຮົາບໍ່ຄວນກັບໄປຫາຄົນທີ່ນອກໃຈ ຈະມີຫຍັງແດ່ນັ້ນເຮົາໄປອ່ານກັນເລີຍ

1. ເຈັບແລ້ວຕ້ອງຈໍາ ການທີ່ເຈົ້າເຄີຍເຈັບມາຈາກການນອກໃນນີ້ ເຈົ້າຄວນທີ່ຈະຈໍາໄວ້ເປັນບົດຮຽນ ແລ້ວເຊື່ອເລີຍວ່າຄົນທີ່ເຄີຍນອກໃຈມາແລ້ວ ມັກຈະມີໂອກາດທີ່ຈະນອກໃຈອີກໄດ້ສະເໝີ ເວັ້ນເສຍແຕ່ເຂົາຈະກັບຕົວກັບໃຈແທ້ໆ ແຕ່ນັ້ນກໍ່ສ່ວນນ້ອຍຫຼາຍ ເພາະສະນັ້ນຖ້າບໍ່ຢາກເອົາຕົວເອງເຂົ້າໄປສ່ຽງແນະນຳໃຫ້ເລີກຫຍຸ້ງເລີຍຈະດີກວ່າ

2. ບໍ່ມີຫຍັງຄືເກົ່າ ແກ້ວທີ່ມັນແຕກຕໍ່ໃຫ້ເອົາກັບມາຕໍ່ມັນກໍ່ຍັງມີຮອຍແຕກຢູ່ຄືເກົ່າ ຄວາມເຊື່ອໃຈກໍ່ເຊັ່ນກັນ ໃນເມື່ອເຂົາເຄີຍນອກໃນເຮົາ ມີຫວາທີ່ເຮົາຈະເຮັດເປັນຄືວ່າມັນບໍ່ເຄີຍເກີດຂຶ້ນມາກ່ອນ ແນ່ນອນແລະວ່າແມ່ນຫຍັງມັນກໍ່ຕ້ອງບໍ່ຄືເກົ່າຢ່າງແນ່ນອນ ຖ້າເຈົ້າຄິດຈະກັບໄປຄົບກັບເຂົາທີ່ເຄີຍນອກໃຈເຈົ້າອີກຄັ້ງ

3. ເຂົາບໍ່ໃຫ້ກຽດເຈົ້າເລີຍ ການນອກໃຈກໍ່ເປັນຂໍ້ບົ່ງບອກໄດ້ຢ່າງຊັດເຈນເລີຍວ່າເຂົາບໍ່ໄດ້ໃຫ້ກຽດເຈົ້າເລີຍ ເພາະວ່າຖ້າເຂົາໃຫ້ກຽດເຈົ້າແທ້ ເຂົາຄືຊິບໍ່ຄິດທີ່ຈະນອກໃຈຢ່າງແນ່ນອນ ເພາະສະນັ້ນການໄປຄົບກັບຄົນທີ່ບໍ່ໃຫ້ກຽດເຈົ້າກໍ່ຂໍໃຫ້ລອງຄິດເບິ່ງດີໆເດີ

4. ຕ້ອງຄອຍລະແວງ ຫຼື ຫຶງຫວງການກັບໄປຄົບກັບຄົນທີ່ເຄີຍນອກໃຈເຮົາ ເຊື່ອເລີຍວ່າຈິດໃຈເຮົາຍ່ອມບໍ່ເປັນປົກກະຕິ ເພາະເຮົາຍັງຄົງມີຄວາມວາດລະແວງ ແລະ ບໍ່ໄວ້ເຂົາຢູ່ ຖ້າຄົບກັນແລ້ວເປັນແບບນີ້ກໍ່ເມື່ອຍໃນແທນ ທີ່ຕ້ອງຄອຍເບິ່ງ, ຄອຍຕາມສືບ ແທນທີ່ຈະໄວ້ໃຈກັນແຕ່ຫາກເຈົ້າບໍ່ກັບໄປຫຍຸ້ງກັບເຂົາເຈົ້າກໍ່ບໍ່ຕ້ອງວາດລະແວງ ຫຼື ຄອຍຕາມເຂົາໃຫ້ເມື່ອຍ

5. ຕ້ອງພົບຄົນທີ່ດີກວ່ານີ້ ຖ້າບໍ່ດີກໍ່ຖິ້ມໄປເລີຍ ຖ້າຄິດວ່າຢ່າງເຮົານີ້ສາມາດຫາໃໝ່ໄດ້ ເພາະບໍ່ແນ່ເຮົາອາດຈະພົບຄົນທີ່ດີກວ່າ ຈິງໃຈບໍ່ເຈົ້າຊູ້ກວ່າ ແລະ ນັ້ນຈະເຮັດໃຫ້ເຮົາບໍ່ຕ້ອງມາຄອຍວາດລະແວງ ຫຼື ຄອຍເປັນຫ່ວງວ່າເຂົາຈະກັບໄປນອກໃຈຫຼືບໍ່

ແລະນີ້ກໍ່ເປັນ 5 ເຫດຜົນທີ່ເຮົາບໍ່ຄວນກັບໄປຄົບກັບຄົນທີ່ເຄີຍນອກໃຈເຮົາມາກ່ອນ ແຕ່ບາງຄົນທີ່ເຄີຍນອກໃຈ ຫາກເຂົາສຳນຶກຜິດ ແລະ ກັບຕົວກັບໃຈກໍ່ຄວນທີ່ຈະໃຫ້ໂອກາດເຂົາຈັກເທື່ອ ຖ້າຍັງບໍ່ດີຫຼື ບໍ່ມີຫຍັງປັບປຸງຂຶ້ນມາກໍ່ຄວນໜີ ເພາະຖ້າຂະໜາດນັ້ນກໍ່ເກີນຈະຍຽວຍາແລ້ວ ຈັ່ງໃດກໍ່ຮັກຕົວເອງໃຫ້ຫຼາຍໆເດີ ແອັດມິນເອົາໃຈຊ່ວຍຈ໊ະ

Related Posts

Leave a Reply

Your email address will not be published. Required fields are marked *