ຮອງຫົວໜ້າກົມໃຫຍ່ເສນາທິການກອງທັບລົງເຄື່ອນໄຫວຢ້ຽມຢາມ ກອງຮ້ອຍ 122

ວັນທີ 5 ມີນາ 2020 ນີ້, ສະຫາຍ ພົນຈັດຕະວາ ສາຍໃຈ ກົມມະສິດ ຮອງຫົວໜ້າກົມໃຫຍ່ເສນາທິການກອງທັບ ພ້ອມດ້ວຍຄະນະ ໄດ້ເຄື່ອນ ໄຫວຢ້ຽມຢາມກອງຮ້ອຍ ທະຫານຊາຍແດນ 122 ທີ່ຂື້ນກັບກອງບັນຊາ ການທະຫານແຂວງບໍ່ແກ້ວ, ໂດຍການຕ້ອນຮັບຢ່າງອົບອຸ່ນຂອງສະຫາຍ ພັນຕີ ຄຳແກ້ວ ແສງຄຳຍອງ ຫົວໜ້າການທະຫານກອງຮ້ອຍ 122 ພ້ອມດ້ວຍຄະນະ,

ສະຫາຍໄດ້ລາຍງານສະພາບການໃນໄລຍະຜ່ານມາ ກ່ຽວກັບຂົງເຂດວຽກງານປ້ອງ ກັນຊາດ-ປ້ອງກັນຄວາມສະຫງົບຕາມຂອບເຂດຊາຍແດນທີ່ກົມກອງວຮັບຜິດຊອບ, ເຊິ່ງຄະນະພັກ-ຄະນະບັນຊາພວກເຮົາໄດ້ເອົາໃຈສຶກສາອົບຮົມ ວຽກງານການເມືອງ-ນຳພາ ເເນວຄິດເປັນຫຼັກເຮັດໃຫ້ພະນັກງານ-ນັກຮົບມີຄຸນທາດການເມືອງໜັກແໜ້ນ, ມີຄຸນ ສົມບັດ ສິນທຳປະຕິວັດ,

ເອົາໃຈໃສ່ປັບປຸງກຳລັງໃຫ້ໜັກແໜ້ນ ເຂັ້ມແຂງ,ຖືເອົາວຽກງານອົບຮົມ-ຫັດແອບເປັນສຳຄັນເຮັດໃຫ້ພະນັກງານ-ນັກຮົບກຳແໜ້ນທິດສະດີຫຼັກການທາງດ້ານສິລະປະຍຸດ-ຍຸດທະວິທີຂັ້ນພື້ນຖານຂອງທະຫານຊາຍແດນ, ພ້ອມນັ້ນຍັງໄດ້ປະຕິບັດສາຍພົວພັນອັນດີງາມກັບສູນປະສານງານລາວ-ຈີນ ແລະ ຮ່ວມກັນເຄື່ອນໄຫວລາດຕະເວນທາງນ້ຳປະຈຳເດືອນ, ປະຈຳອາທິດໃຫ້ເປັນປົກກະຕິ.

ໂອກາດນີ້ ສະຫາຍ ພົນຈັດຕະວາ ສາຍໃຈ ກົມມະສິດ ໄດ້ສະແດງຄວາມຍ້ອງຍໍຊົມເຊີຍຕໍ່ຜົນສໍາເລັດ ຂອງກົມກອງໃນການຈັດຕັ້ງປະຕິບັດເຄື່ອນໄຫວໃນໄລຍະຜ່ານມາ, ພ້ອມທັງໄດ້ເນັ້ນໜັກໃຫ້ຄະນະພັກ-ຄະນະບັນ ຊາກົມກອງ ເພີ່ມທະວີວຽກງານການເມືອງ-ນຳພາແນວຄິດໃຫ້ສູງກວ່າເກົ່າ ຍົກສູງຄວາມຮັບຜິດຊອບເຂົ້າໃນທຸກຂົງເຂດ ວຽກງານລວມຂອງກົມກອງ,

ເອົາໃຈໃສ່ໃນການປະຕິບັດ ການສ້າງແຜນອົບຮົມ-ຫັດແອບປະຈຳປີ, ປະ ຈຳໄຕມາດເພື່ອຮັບປະກັນໃຫ້ ແກ່ການກຽມພ້ອມສູ້ຮົບ 100%, ສືບຕໍ່ຮ່ວມກັບສູນປະສານ ລາວ-ຈີນ ຕ້ານ ແລະ ສະກັດກັ້ນປະກົດການຫຍໍ້ທໍ້ຮອບດ້ານທີ່ອາດຈະເກີດຂື້ນຕາມຊາຍແດນເປັນຕົ້ນ ແມ່ນການລັກລອບເຂົ້າເມືອງແບບຜິດກົດໝາຍ,

ການຄ້າຂາຍເຖື່ອນ, ບັນຫາຢາເສບຕິດຕ່າງໆ ເພື່ອເຮັດໃຫ້ຂອບເຂດຄວາມຮັບຜິດຊອບຂອງກົມກອງມີຄວາມສະ ຫງົບໂດຍພື້ນຖານ.

ໂດຍ: ສົມພອນ ແກ້ວສຸລິນ

Related Posts

Leave a Reply

Your email address will not be published. Required fields are marked *