ຄວາມເຊື່ອ…!!! 9 ສິ່ງ​ອັບ​ໂຊກ ​ບໍ່​ຄວນ​ຕົ​ກ​ແຕ່ງ​ເຮືອນ ເພາະມັນເປັນຮວງຈຸ້ຍບໍ່ດີປານໃດ.

ຫຼັກໜຶ່ງຂອງການຕົກແຕ່ງເຮືອນນອກເໜືອຈາກເລື່ອງຄວາມສວຍງາມແລ້ວ ຫຼາຍຄົນຍັງເບິ່ງເລື່ອງຄວາມເຊື່ອຕ່າງໆ ເຂົ້າມາກ່ຽວຂ້ອງນຳ ແລະ ໃກ້ໝົດປີຮັບປີໃໝ່ແບບນີ້ ບາງຄົນອາດຮູ້ສຶກວ່າຢາກຫາສິ່ງດີໆເຂົ້າເຮືອນ. ມາເບິ່ງກັນດີກວ່າວ່າ ຢູ່ເຮືອນຂອງທ່ານມີສິ່ງເຫລົ້ານີ້ເຊິ່ງຖືເປັນຄວາມອັບໂຊກໃຫ້ກັບຕົວເຮືອນ, ຖ້າມີແນະນຳໃຫ້ຟ້າວນຳອອກໄປຈາກເຮືອນ.

1.ແວ່ນທີ່ຕັ້ງຊື່ກັບຕຽງນອນ ຊິນແສຫຼາຍຄົນທັກທ້ວງສະເໝີວ່າ ການຕັ້ງແວ່ນແຍງກົງກັນຂ້າມກັບຕຽງນອນບໍ່ແມ່ນເລື່ອງທີ່ແນະນຳ ເນື່ອງຈາກການຕັ້ງແວ່ນຊື່ກັບຕຽງນອນນັ້ນ ບາງຄົນເຊື່ອວ່າມັນກະທົບກັບຄວາມສຳພັນ ແລະ ເປັນການນຳບັນຫາເຂົ້າມາໃນເຮືອນ.

2.ປະ​ຕູ​ໜ້າ​ເຮືອນ​ສີ​ດຳ​ ຕາມ​ຄວາມ​ເຊື່ອ​ຂອງ​ຊາວ​ຈີນ​ ສີ​ຂອງ​ປະ​ຕູ​ໜ້າ​ເຮືອນ​ຖື​ເປັນ​ອີກ​ເລື່ອງ​ສຳຄັນ​ທີ່​ມີ​ຜົນ​ຕໍ່​ການ​ນຳ​ໂຊ​ກດີ​ ຫລື​ ໂຊກ​ຮ້າຍ​ມາ​ໃຫ້​ກັບ​ເຮືອນ​ ແລະ ​ສີ​ດຳ​ກໍ​ເປັນ​ສີ​ທີ່​ເຊື່ອ​ກັນ​ວ່າ​ອາດ​ນຳ​ໂຊກ​ຮ້າຍ​ມາສູ່​ເຮືອນ.​

3.ຕົ້ນ​ໄມ້​ທີ່​ມີ​ໜາມ​ເຊື່ອ​ກັນ​ວ່າ​ໜາມ​ແຫຼມ​ຂອງ​ຕົ້ນ​ໄມ້​ຈະ​ນຳ​ໂຊກ​ຮ້າຍ​ມາ​ໃຫ້​ ດັ່ງ​ນັ້ນ​ຈຶ່ງ​ຄວນ​ຫຼີກ​ເວັ້ນ.​

4.ປະຕິ​ທິນ​ວາງ​ຜິດບ່ອນ​ ເຊື່ອ​ກັນ​ວ່າ​ການ​ແຂວນ​ປະຕິ​ທິນ​ໄວ້​ບໍລິເວນ​ປະ​ຕູ​ໜ້າ​ເຮືອນ​ເປັນ​ການ​ເຕືອນ​ຄວາມ​ຈຳ​ເຖິງ​ຊ່ວງ​ເວລາ​ທີ່​ຜ່ານມາ​ໃນ​ຊີວິດ​ ເຊິ່ງ​ຈະ​ສົ່ງ​ຜົນ​ກະທົບ​ໄລຍະຍາວ​ກັບ​ຜູ້​ຢູ່​ອາໄສ.​

5.ຮູບພາບ​ເຮືອ​ຫຼົ້ມ​ ເປັນ​ສັນຍາລັກ​ຂອງ​ຄວາມ​ທຸກ​ ແລະ​ ສົ່ງ​ຜົນ​ຕໍ່​ພະລັງ​ໃນ​ທາງລົບ.​

6.ໂມງຕາຍ ຕາມຫຼັກຮວງຈຸ້ຍແລ້ວແນະນຳວ່າບໍ່ຄວນເກັບຂອງເພ ຫລື ເສຍຫາຍໄວ້ໃນເຮືອນ ໂດຍສະເພາະໂມງທີ່ຕາຍແລ້ວ ເພາະມັນໝາຍເຖິງການເສຍຊີວິດ ແລະ ອາດນຳມາເຊິ່ງຄວາມສູຍເສຍພາຍໃນເຮືອນ.

7.ພາຊະນະແຕກ ຫຼື ເພ ຂອງແຕກ, ເພ, ຫັກ ຫຼື ເສຍຫາຍບໍ່ຄວນເກັບໄວ້ໃນເຮືອນ ເພາະເຊື່ອວ່າຈະນຳແຕ່ສິ່ງບໍ່ດີເຂົ້າມາໃນຊີວິດ ແລະ ເຮືອນຂອງເຮົາ.

8.ຕົ້ນໄມ້ທີ່ຕາຍແລ້ວນອກຈາກຕົ້ນໄມ້ທີ່ມີໜາມແຫຼມແລ້ວ ການປ່ອຍໃຫ້ມີຕົ້ນໄມ້ຕາຍແລ້ວໃນເຮືອນ ຖືເປັນການປ່ອຍໃຫ້ສິ່ງບໍ່ດີ ແລະ ໂຊກຮ້າຍເຂົ້າມາໃນຊີວິດ. ດັ່ງນັ້ນຖ້າຄິດຈະປຸກຕົ້ນໄມ້ຄວນໝັ່ນເບິ່ງແຍງເອົາໃຈໃສ່ ຫລື ຄວນເລືອກຕົ້ນໄມ້ທີ່ບໍ່ຕ້ອງເບິ່ງແຍງຫລາຍແທນ.

9.ຕັ່ງ​ໂຍກ​ທີ່​ບໍ່​ມີ​ການ​ໃຊ້​ງານ​ ພຽງແຕ່ຮູບພາບ​ຕັ່ງ​​ໂຍກ​ໄປ​ມາ​ແບບ​ບໍ່​ມີຄົນ​ນັ່ງ​ກໍ​ຫຼອນ​ແລ້ວ.​ ດັ່ງ​ນັ້ນ​ຈຶ່ງ​ເຊື່ອ​ກັນ​ວ່າ​ຖ້າ​ມີ​ຕັ່ງໂຍກ​ທີ່​ບໍ່​ໄດ້​ໃຊ້​ງານ​ຖືກ​ຖິ້ມ​ໄວ້​ໃນ​ເຮືອນ​ ພະລັງ​ງານ​ໃນ​ດ້ານ​ຊົ່ວ​ຮ້າຍ​ຈະ​ເຂົ້າ​ມາ​ແທນ​ທີ່​.

ເລື່ອງ​ເຫຼົ່າ​ນີ້​ລ້ວນ​ເປັນ​ຄວາມ​ເຊື່ອ​ສ່ວນ​ບຸກ​ຄົນ​ ລອງ​ພິຈາລະນາ​ ແລະ ​ຕັດ​ສິນ​ໃຈ​ກັນ​ເອງ​ຕາມ​ຄວາມ​ເໝາະ​ສົມ​ເດີ້.​ ເພາະ​ບາງ​ຄົນ​ອາດ​ມັກ​ແຕ່ງ​ເຮືອນ​ດ້ວຍ​ຂອງ​ເກົ່າ​ ແລະ​ ຮູ້ສຶກ​ວ່າ​ການ​ເກັບ​ເຄື່ອງຈາກ​ຜູ້​ບັນພະບຸລຸດ​ມັນ​ຄື​ການບັນ​ທຶກ​ເລື່ອງ​ລາວ​ໃນ​ຊີວິດ.​

Related Posts

Leave a Reply

Your email address will not be published. Required fields are marked *