ກອງປະຊຸມຄັ້ງປະຖົມມະລຶກຂອງພາພາແຫ່ງຊາດຊຸດທີIX ໄຂຂຶ້ນເປັນທາງການ

ທ່ານ ໄຊສົມພອນ ພົມວິຫານ ໄດ້ຮັບການເລືອກຕັ້ງເປັນປະທານສະພາແຫ່ງຊາດ ຊຸດທີIXຂປລ. ກອງປະຊຸມຄັ້ງປະຖົມມະລຶກຂອງສະພາແຫ່ງຊາດຊຸດທີ IX ຊຶ່ງໄດ້ໄຂຂຶ້ນໃນຕອນເຊົ້າວັນທີ 22 ມີນາ 2021 ເລືອກຕັ້ງເອົາ ທ່ານ ໄຊສົມພອນ ພົມວິຫານ ດ້ວຍຄະແນນສຽງສ່ວນຫລາຍ ເປັນປະທານສະພາແຫ່ງຊາດຊຸດທີIX.

ກອງປະຊຸມສະພາຄັ້ງນີ້ ຍັງໄດ້ເລືອກຕັ້ງເອົາຮອງປະທານສະພາແຫ່ງຊາດຊຸດທີIX ຈຳນວນ 5 ທ່ານ ຊຶ່ງປະກອບມີບັນດາທ່ານທີ່ໄດ້ຮັບເລືອກຕັ້ງຄື: ທ່ານນາງ ສູນທອນ ໄຊຍະຈັກ, ທ່ານ ຈະເລີນ ເຢຍປາວເຮີ, ທ່ານ ຄໍາໃບ ດໍາລັດ, ທ່ານ ສົມມາດ ພົນເສນາ ແລະ ທ່ານ ພົນໂທ ສຸວອນ ເລືອງບຸນມີ.

ກອງປະຊຸມຄັ້ງປະຖົມມະລຶກຂອງສະພາແຫ່ງຊາດ ຊຸດທີIX ຈະດໍາເນີນໄປຈົນເຖິງວັນທີ 26 ມີນາ2021 ເພື່ອເລືອກຕັ້ງເອົາປະທານສະພາ, ຮອງປະທານສະພາ, ກໍາມະການຄະນະປະຈໍາສະພາແຫ່ງຊາດ; ພິຈາລະນາຮັບຮອງເອົາໂຄງປະກອບກົງຈັກຂອງສະພາແຫ່ງຊາດຊຸດທີIX, ການແຕ່ງຕັ້ງປະທານກໍາມາທິການສະພາແຫ່ງຊາດ, ເລຂາທິການ ແລະ ຮອງປະທານກໍາມາທິການຂອງສະພາແຫ່ງຊາດຊຸດທີIX;

ພິຈາລະນາ, ຮັບຮອງການເລືອກຕັ້ງປະທານປະເທດ, ຮອງປະທານປະເທດ; ພິຈາລະນາ, ຮັບຮອງການເລືອກຕັ້ງນາຍົກລັດຖະມົນຕີ, ໂຄງປະກອບລັດຖະບານ, ການແຕ່ງຕັ້ງຮອງນາຍົກລັດຖະມົນຕີ ແລະ ສະມາຊິກລັດຖະບານຊຸດໃໝ່; ພິຈາລະນາ, ຮັບຮອງການເລືອກຕັ້ງຫົວໜ້າອົງການໄອຍະການປະຊາຊົນສູງສຸດ, ປະທານສານປະຊາຊົນສູງສຸດ, ປະທານອົງການກວດສອບແຫ່ງລັດ ແລະ ປະທານອົງການກວດກາແຫ່ງລັດ;

ພິຈາລະນາ, ຮັບຮອງເອົາວຽກງານຂອງລັດຖະບານ, ວຽກງານຂອງອົງການໄອຍະການປະຊາຊົນສູງສຸດ, ສານປະຊາຊົນສູງສຸດ,ອົງການກວດສອບແຫ່ງລັດ ແລະ ວຽກງານອົງການກວດກາແຫ່ງລັດ. ລວມທັງການພິຈາລະນາ, ຮັບຮອງເອົາວຽກງານຂອງສະພາແຫ່ງຊາດຊຸດທີ IX.

Related Posts

Leave a Reply

Your email address will not be published. Required fields are marked *