ທະຫານແຂວງມອບອາວຸດເສິກເຂົ້າຫ້ອງວາງສະແດງມູນເຊື້ອແຂວງບໍ່ແກ້ວ

ພິທີມອບ-ຮັບອາວຸດເສິກຂອງຈັກກະພັດຜູ້ຮຸກຮານເຂົ້າຫໍວາງສະແດງມູນເຊື້ອແຂວງບໍ່ແກ້ວ ແມ່ນໄດ້ຈັດຂຶ້ນວັນທີ 22 ມີນາ 2021ນີ້ ລະຫວ່າງທ່ານ ພັທ ທອງໄຂ ສີຍະວົງ ຫົວໜ້າການທະຫານ ຮອງກອງບັນຊາການທະຫານແຂວງເປັນຜູ້ກ່າວມອບ,

ທ່ານ ປອ ສົມຄິດ ວົງປັນຍາ ຫົວໜ້າພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວແຂວງບໍ່ແກ້ວ ເປັນຜູ້ກ່າວຮັບ ມີບັນດານາຍ ແລະ ພົນທະຫານຄະນະຮັບຜິດຊອບອາວຸດເສິກ ແລະ ຄະນະນໍາພະແນກ ຖວທ, ຫົວໜ້າ, ຮອງຫົວໜ້າຂະແໜງພາຍໃນພະແນກ ຖວທ ເຂົ້າຮ່ວມ.

ທ່ານ ພັທ ຫຸມເພັງ ອິນເປົ່າແກ້ວ ຫົວໜ້າປະຫວັດການທະຫານ ກອງບັນຊາການທະຫານແຂວງບໍ່ແກ້ວ ໄດ້ກ່າວວ່າ: ອາວຸດເສິກທີ່ນໍາມາມອບໃນຄັ້ງນີ້ປະກອບມີ ປືນ 6 ຊະນິດ ເທົ່າກັບ 6 ກະບອກ ເຊັ່ນ:

ປືນບາໂຊກາ, ກາເລັງສິດ, ເບ 40, ແອມ 16, ແອມ2 ແລະ ປຶນກຸລັດ. ເຊິ່ງຍຶດໄດ້ຈາກສັດຕູຜູ້ຮຸກຮານນໍາເຂົ້າມາຕໍ່ສູ້ກັບກອງທັບປະຊາຊົນລາວບັນດາເຜົ່າ ໃນສະໄໝຕໍ່ສູ້ປົດປ່ອຍຊາດ.

ປັດຈຸບັນໄດ້ນໍາມາວາງສະແດງ ເພື່ອໃຫ້ນັກຮຽນ, ນັກສຶກສາປັນຍາຊົນ, ນັກທ່ອງທ່ຽວພາຍໃນ ແລະ ຕ່າງປະເທດ ແລະ ພໍ່ແມ່ປະຊາຊົນບັນດາເຜົ່າໄດ້ເຂົ້າຊົມສຶກສາມູນເຊື້ອພິລະອາດຫານຂອງກອງທັບປະຊາຊົນລາວ ພາຍໃຕ້ການຊີ້ນໍາໆພາຂອງພັກ ປະຊາຊົນປະຕິ ວັດລາວ ຍາດມາໄດ້.

ຂ່າວ: ມະນິດ – ພາບ: ຄໍາພັນ

Related Posts

Leave a Reply

Your email address will not be published. Required fields are marked *