ພະແນກຕໍາຫຼວດ ຈາລະຈອນ ປກສ ແຂວງບໍລິຄໍາໄຊ ສຸ່ມໃສ່ວຽກງານວິຊາສະເພາະ ເພື່ອສ້າງຂະບວນການຂໍ່ານັບຮັບຕ້ອນ ວັນສ້າງຕັ້ງກໍາລັງປ້ອງກັນຄວາມສະຫງົບ ຄົບຮອບ 60 ປີ

ພະແນກຕໍາຫຼວດ ຈາລະຈອນ ປກສ ແຂວງບໍລິຄໍາໄຊ ສຸ່ມໃສ່ວຽກງານວິຊາສະເພາະ ເພື່ອສ້າງຂະບວນການຂໍ່ານັບຮັບຕ້ອນ ວັນສ້າງຕັ້ງກໍາລັງປ້ອງກັນຄວາມສະຫງົບ ຄົບຮອບ 60 ປີ( 05 ເມສາ 1961 – 05 ເມສາ 2021 ),

ເຊີ່ງທ່ານ ພັນໂທ ບຸນມີ ລໍວັນໄຊ ຫົວໜ້າພະແນກຕໍາຫຼວດຈາລະຈອນ ປກສ ແຂວງ ໄດ້ໃຫ້ຮູ້ວ່າ: ຄຽງຄູ່ກັບວຽກງານຂະບວນການດ້ານຕ່າງໆແລ້ວ, ພະແນກຕໍາຫຼວດຈາລະຈອນ ຍັງໄດ້ສຸ່ມໃສ່ 04 ວຽກງານຕົ້ນຕໍຄື:

1. ວຽກງານໂຄສະນາສືກສາອົບຮົມ, ໂຄສະນາເຜີຍແຜ່ກົດລະບຽບຈາະລະຈອນໃຫ້ພໍ່ແມ່ປະຊາຊົນກໍ່ຄືຜູ້ຂັບຂີ່ໄດ້ເຂົ້າໃຈ ແລະ ປະຕິບັດຢ່າງເຂັ້ມງວດ.

2. ວຽກງານຈັດສັນລະບາຍການສັນຈອນຢູ່ຕາມສາມແຍກ, ສີ່ແຍກ ແລະ ຈຸດຕ່າງໆ ທີ່ມີຄວາມສ່ຽງທີ່ຈະເກີດອຸປະຕິເຫດ.

3. ວຽກງານກວດກາຕິດຕາມ ສະພາບຕາມເສັ້ນທາງຫຼວງ ເປັນຕົ້ນແມ່ນການກວດກາເອກະສານລົດ, ໃບຂັບຂີ່, ເຕັກນິກລົດ ເພື່ອຮັບປະກັນໃຫ້ແກ່ຜູ້ຂັບຂີ່.

4. ວຽກງານປະຈໍາການ 24 ຊົ່ວໂມງ ແລະ ແກ້ໄຂອຸປະຕິເຫດ. ທັງໝົດນັ້ນກໍ່ເພື່ອເຮັດໃຫ້ ຜູ້ໃຊ້ລົດ, ໃຊ້ຖະໜົນ ມີຄວາມຮັບຮູ້, ເຂົ້າໃຈ, ເປັນເຈົ້າການໃນການປະຕິບັດກົດລະບຽບຈາລະຈອນ ແລະ ຮູ້ວິທີການຂັບຂີ່ລົດທີ່ປອດໄພ.

Related Posts

Leave a Reply

Your email address will not be published. Required fields are marked *