ຫນຸ່ມຝັງຕະປູທົ່ວເບາະລົດ ພິສູດຮັກແຟນຄົນດຽວ ບໍ່ມີສາວຊ້ອນທ້າຍ

ວັນທີ່ 26 ມີນາ ເວິລອອຟບັຊ ລາຍງານກະແສຮືຮາວິທີເອົາໃຈແຟນສາວຂອງ ທ່ານໂຄອິຣັລ ອານັມ ຫນຸ່ມອິນໂດເນເຊຍລາຍນີ້ ຫລັງຈາກແຟນສາວເກີດອາການຫຶງຫວງ ແລະຫາວ່າຫນຸ່ມອານັມພາສາວຄົນອື່ນຊ້ອນທ້າຍລົດຈັກ

ຊາຍຫນຸ່ມເລີຍສະແດງຄວາມບໍລິສຸດໃຈດ້ວຍການ ຝັງຕະປູ ນັບຮ້ອຍອັນຈົນທົ່ວທັງເບາະບໍ່ດົນຫລັງຈາກອານັມແຊຣເລື່ອງລາວ ແລະຮູບຖ່າຍເທີງເພຈເຟສບຸກ ແລະອິນສະຕາແກຣມ ຊາວເນັດຈຳນວນຫລາຍແຫ່ກົດໄລ້ລວມເຖິງແຊຣໄປແລ້ວຫລາຍກວ່າ 45,000 ຄັ້ງ.

ທັງຍັງສະແດງຄວາມຄິດເຫັນກັນຢ່າງຄຶກຄັກ ໂພສທຳອິດຂອງຫນຸ່ມອານັມເຜີຍໃຫ້ເຫັນຄວາມທຸ່ມເທຂັບລົດຈັກໄປທີ່ຮ້ານແປງລົດຊື່ງຊ່າງຕ້ອງແກະສ່ວນເບາະອອກ ແລະຝັງຕະປູຈາກດ້ານໃນ.

ເພື່ອໃຫ້ປາຍແຫລມທະລຸອອກເບາະສ່ວນຮູບຖ່າຍອີກຊຸດເປັນເຫດການຫລັງໂຊແຟນສາວວ່າໄປເຮັດເບາະຝັງຕະປູມາແລ້ວຈະໄດ້ບໍ່ຕ້ອງຫຶງຫວງຢ້ານວ່າຕົນແອບພາສາວອື່ນຊ້ອນທ້າຍ.

ແຕ່ບັນຫາຄືແຟນຂອງຫນຸ່ມອານັມເລີຍຕ້ອງຫາທີ່ນັ່ງໃຫ່ມເພາະຕອນນີ້ຊ້ອນທ້າຍຫນຸ່ມບໍ່ໄດ້ແລ້ວ ຊື່ງບ່ອນດຽວທີ່ເຫລືອຢູ່ຄືດ້ານຫນ້າບ່ອນວາງຕີນຄົນຂັບ.

ແນ່ນອນວ່າຍິງສາວຕ້ອງຈຳໃຈນັ່ງຢອງໆ ບ່ອນທີ່ຫວ່າງຂາແຟນຫນຸ່ມ ພ້ອມກັບຊັນເຂົ່າຂື້ນທັງສອງຂ້າງ ທີ່ບໍ່ວ່າຈະເບີ່ງມຸມໃດກໍ່ຊວນເມື່ອຍ

ງານນີ້ຊາວເນັດເລີຍພາກັນສະແດງຄວາມຄິດເຫັນຕາຫຼົກໃນບົດສະຫຼຸບສຸດຮາຂອງຄູ່ຮັກຄູ່ນີ້

Related Posts

Leave a Reply

Your email address will not be published.