ພິທີມອບ-ຮັບ ໜ້າທີ່ ລັດຖະມົນກະຊວງສຶກສາທິການ ແລະ ກິລາ ລະຫວ່າງ (ຜູ້ເກົ່າ ແລະ ຜູ້ໃໝ່)

ສຶກສາຂໍ້ມູນ “ວັນນີ້ 01 ເມສາ 2021, ໄດ້ມີພິທີມອບ ແລະ ຮັບໜ້າທີ່ ລັດຖະມົນກະຊວງສຶກສາທິການ ແລະ ກິລາ ລະຫວ່າງ ທ່ານນາງ ແສງເດືອນ ຫລ້າຈັນທະບູນ (ຜູ້ເກົ່າ) ແລະ ທ່ານ ພຸດ ສິມມາລາວົງ ກໍາມະການສູນກາງພັກ, ເລຂາຄະນະພັກກະຊວງ (ຜູ້ໃໝ່), ໂດຍການເຂົ້າຮ່ວມຂອງ ທ່ານ ກິແກ້ວ ໄຂຄໍາພິທູນ ຮອງນາຍົກລັດຖະມົນຕີ.”

(1). ທ່ານນາງ ແສງເດືອນ ຫລ້າຈັນທະບູນ ໄດ້ກ່າວວ່າ

2. ສຳລັບສິ່ງທີ່ຍັງຄົງຄ້າງ ແລະ ບໍ່ທັນສຳເລັດ ແມ່ນໄດ້ມີການຕີລາຄາ ແລະ ໄດ້ກຳນົດວິທີແກ້ໄຂໄວ້ຢູ່ໃນແຜນພັດທະນາຂະແໜງການສຶກສາ ແລະ ກິລາໃນ 05 ປີຄັ້ງທີ IX (2021-2025) ຂ້ອນຂ້າງຈະແຈ້ງຕາມມະຕິກອງປະຊຸມຜູ້ບໍລິຫານການສຶກສາ ແລະ ກິລາ ເພື່ອໃຫ້ຄະນະນຳຂອງກະຊວງຊຸດໃໝ່ ໄດ້ນຳໄປຜັນຂະຫຍາຍເຂົ້າສູ່ຕົວຈິງໃຫ້ມີຜົນສໍາເລັດເປັນກ້າວໆ;

1. ການສັບປ່ຽນໜ້າທີ່ ຫຼື ການສືບທອດປ່ຽນແທນຂອງພະນັກງານການນຳຂັ້ນສູງພັກ-ລັດ ບໍ່ວ່າຈະຢູ່ສູນກາງ ຫຼື ທ້ອງຖິ່ນ ແມ່ນນະໂຍບາຍ, ຫລັກການ ແລະ ເປັນລະບຽບການຂອງພັກ ແລະ ລັດ ທີ່ກຳນົດໄວ້,

2. ແນ່ໃສ່ປັບປຸງການຈັດ ຕັ້ງ ແລະ ບຸກຄະລາກອນໃຫ້ສອດຄ່ອງ ແລະ ຕອບສະໜອງກັບຄວາມຮຽກຮ້ອງຕ້ອງການຂອງໜ້າທີ່ວຽກງານໃນໄລຍະໃໝ່,

3. ພ້ອມທັງໄດ້ເນັ້ນ ໃຫ້ຄະນະພັກ, ຄະນະນໍາ ແລະ ພະນັກງານທົ່ວກະຊວງສຶກສາທິການ ແລະ ກິລາ ເພີ່ມທະວີຄວາມເອົາໃຈໃສ່ໃນບາງບັນຫາສໍາຄັນ ເປັນຕົ້ນ ຕ້ອງມີຄວາມເປັນເອກະພາບສູງນຳຂັ້ນເທິງ ໂດຍເປັນເຈົ້າການເຮັດວຽກງານສຶກສາອົບຮົມນຳພາແນວຄິດ ຂອງພະນັກງານ ແລະ ສະມາຊິກພັກຢູ່ແຕ່ລະຂັ້ນ,

4. ຕ້ອງເດັດດ່ຽວສະກັດກັ້ນບໍ່ໃຫ້ມີການສວຍໂອກາດ ເພື່ອໃສ່ຮ້າຍປ້າຍສີທັບຖົມໂຈມຕີກັນໃນທາງບໍ່ດີ, ສຸມໃສ່ຈັດຕັ້ງປະຕິບັດວຽກງານວິຊາສະເພາະຕາມເປົ້າໝາຍທີ່ ກອງປະຊຸມໃຫຍ່ກະຊວງໄດ້ວາງໄວ້ໃຫ້ປາກົດຜົນເປັນຈິງ,

5. ບຳລຸງກໍ່ສ້າງ ແລະ ຍົກລະດັບຄວາມຮູ້ຄວາມສາມາດໃຫ້ພະນັກງານ, ປັບປຸງຄວາມຮູ້ທາງດ້ານວິຊາການ ແລະ ທັກສະດ້ານການສິດສອນຂອງຄູຊັ້ນປະຖົມສຶກສາ ໂດຍໃຫ້ບຸລິມະສິດໃນການຈັດສັນຊັບພະຍາກອນ ທີ່ມີເຂົ້າໃນວຽກງານປະຖົມສຶກສາໃຫ້ພຽງພໍ,

6. ສະໜອງການສຶກສາຂັ້ນພື້ນຖານທີ່ມີຄຸນນະພາບ ໂດຍສະເພາະຊັ້ນມັດທະຍົມສຶກສາຕອນປາຍ, ອາຊີວະສຶກສາ ແລະ ການສຶກສາຊັ້ນສູງ ເພື່ອປະກອບສ່ວນເຂົ້າໃນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ ກໍຄືການສ້າງຄວາມເຂັ້ມແຂງໃຫ້ແກ່ຜູ້ບໍລິຫານການສຶກສາ ແລະ ກິລາ ໃນທຸກລະດັບ,

7. ເພື່ອປັບປຸງປະສິດທິພາບ, ປະສິດທິຜົນ ເພື່ອແກ້ໄຂຄວາມແຕກໂຕນໃນວຽກງານການສຶກສາ ແລະ ກິລາ ຢູ່ຕົວເມືອງ ແລະ ຊົນນະບົດ, ພ້ອມທັງສືບຕໍ່ກໍສ້າງ ແລະ ພັດທະນາບຸກຄະລາກອນການກິລາ-ກາຍະກຳ ໃຫ້ມີຄຸນະພາບ ແລະ ສາມາດແຂ່ງຂັນກັບພາກພື້ນ ແລະ ສາກົນໄດ້ເທື່ອລະກ້າວ (ສຳນັກຂ່າວສານແຫ່ງ ປະເທດລາວ).

Related Posts

Leave a Reply

Your email address will not be published.