ໂທລະສັບມືຖືໜ່ວຍທຳອິດຂອງໂລກ ໃຊ້ໂທອອກເປັນເທື່ອທຳອິດ

3 ​ເມສາ 1973 ຖື​ເປັນຄັ້ງທຳ​ອິດ​ທີ່ Motorola DynaTAC ​ໂທລະສັບ​ມື​ຖືໜ່ວຍ​ທຳ​ອິດ​ຂອງ​ໂລກ​ຖືກ​ໂທ​ອອກ​ໂດຍ ມາຣຕິນ ຄູ​ເປີ ນັກ​ປະດິດ​ຄົນ​ສຳຄັນ​ຂອງ Motorola ​ແລະ ຄົນ​ທີ່​ລາວ​ໂທ​ຫາ​ເປັນຄັ້ງທຳ​ອິດ​ກໍ​ແມ່ນ ​ໂຈ​ເອລ ​ເອນ​ເກ​ລ ຈາກ Bell Labs ຄູ່​ແຂ່ງ​ທາງ​ທຸລະ​ກິດ​ທີ່​ກຳລັງ​ເລັ່ງພັດທະນາ​ໂທລະສັບ​ມື​ຖື​ຢູ່​ເຊັ່ນ​ກັນ.

ໂທລະສັບມືຖືໜ່ວຍທຳອິດຂອງໂລກທີ່ ຄູເປີ ໃຊ້ໂທອອກຢູ່ຖະໜົນສາຍທີ 6 ໜ້າໂຮງແຮມຮິລຕັນ ນິວຢອກ ໃນວັນນັ້ນເປັນໂມເດລຕົ້ນແບບທີ່ມີຄວາມສູງເຖິງ 9 ນິ້ວ, ນ້ຳໜັກກວ່າ 1,13 ກິໂລ ສາມາດລົມສາຍຕໍ່ເນື່ອງໄດ້ເຖິງ 35 ນາທີ ແຕ່ຕ້ອງໃຊ້ເວລາກວ່າ 10 ຊົ່ວໂມງໃນການຊາກໃໝ່.

ເຊິ່ງກວ່າ​ທີ່ Motorola ຈະ​ພັດທະນາ​ຈົນ​ອອກ​ວາງ​ຈຳໜ່າຍ​ໄດ້​ເປັນຄັ້ງທຳ​ອິດ ​ໄດ້​ໃຊ​ເວລາ​ອີກ 10 ປີຕໍ່​ມາ ​ໂດຍ​ໂທລະສັບ​ມື​ຖື​ໜ່ວຍ​ທຳ​ອິດ​ຂອງ Motorola ວາງ​ຈຳໜ່າຍ​ຄັ້ງທຳ​ອິດ​ໃນ​ປີ 1984 ​ກ່ອນ​ຈະ​ແຜ່​ຫລາຍ​ໃນ​ເວລາ​ຕໍ່​ມາ.

Related Posts

Leave a Reply

Your email address will not be published.