ຕ້ອງອ່ານ! ບັນດາຂໍ້ຫ້າມຕ່າງໆ ໃນການສະເຫຼີມສະຫຼອງປີໃໝ່ລາວ ຢູ່ນະຄອນຫຼວງວຽງຈັນ

ຕ້ອງອ່ານ! ບັນດາຂໍ້ຫ້າມຕ່າງໆ ໃນການສະເຫຼີມສະຫຼອງປີໃໝ່ລາວ ຢູ່ນະຄອນຫຼວງວຽງຈັນ.

ເພື່ອຮັບປະກັນໃຫ້ແກ່ການສະເຫຼີມສະຫຼອງບຸນປີໃຫມ່ລາວ ພສ 2554 ແຕ່ວັນທີ 14-16 ເມສາ 2021 ທີ່ ຈະຫມູນວຽນມາເຖີງນີ້, ເປັນໂອກາດຫນື່ງທີ່ສໍາຄັນໃນການສືບຕໍ່ເສີມຂະຫຍາຍມູນເຊື້ອຮີດຄອງປະເພນີອັນດີງາມ ແລະ ຄວາມສາມັກຄີເປັນປຶກແຜ່ນຂອງຄົນລາວ.

ດັ່ງນັ້ນ, ກອງບັນຊາການປ້ອງກັນຄວາມສະຫງົບນະຄອນຫຼວງວຽງຈັນ, ຈິ່ງໄດ້ອອກບັນດາຂໍ້ຫ້າມ ດັ່ງນີ້:

1. ຫ້າມບໍ່ໃຫ້ຊື້-ຂາຍສິນຄ້າ ແລະ ອຸປະກອນທີ່ກໍ່ໃຫ້ເກີດສຽງແຕກທຸກປະເພດ, ບໍ່ໃຫ້ຈູດຫມາກກະໂພກ, ບັ້ງໄຟດອກທຸກຊະນິດ, ບໍ່ໃຫ້ນໍາໃຊ້ທາດລະເບີດ, ທາດແຕກ, ທາດເບື່ອ-ເຄມີ, ທາດກໍາມະລັງສີ ແລະ ວັດຖຸອອກລິດຕໍ່ສຸຂະພາບທີ່ເປັນຜົນລົບຕໍ່ຄວາມສະຫງົບ, ຄວາມເປັນລະບຽບຮຽບຮ້ອຍໃນສັງຄົມ.

2. ຫ້າມໃຊ້ພາຫະນະບັນຈຸຖັງນ້ໍາ, ຄຸນໍ້າ ຫຼື ທໍ່ຢາງຕໍ່ນໍ້າຈາກເຮືອນອອກມາ ເພື່ອຫົດສົງນໍ້າຄົນໃຊ້ຖະຫນົນ ແລະ ຫ້າມລວມຕົວກັນເປັນກຸ່ມ ເຕັ້ນຟ້ອນຕາມທ້ອງຖະຫນົນ ຢ່າງເດັດ.

3. ຫ້າມບໍ່ໃຫ້ລົງຫຼີ້ນນໍ້າາຢູ່ຫາດຊາຍນໍ້າຂອງທີ່ບໍ່ໄດ້ຮັບອະນຸຍາດຈາກທາງການ ຫຼື ບ່ອນທີ່ບໍ່ມີເຈົ້າຫນ້າທີ່ປ້ອງກັນ ຮັກສາຄວາມສະຫງົບ, ຮັກສາຄວາມປອດໄພ ເພື່ອຫຼີກລຽງຕໍ່ສີ່ງທີ່ບໍ່ເພິ່ງປາດຖະຫນາອາດຈະເກີດຂຶ້ນ.

4. ຫ້າມບໍ່ໃຫ້ໃຊ້ນໍ້າເປິະເປື້ອນ, ນໍ້າສີ, ນໍ້າປົນກັບພືດທີ່ຄັນຄາຍ, ນໍ້າກ້ອນໃສ່ຖົງຢາງຫົດ ຫຼື ແກ່ວງໃສ່ກັນ, ບໍ່ໃຫ້ ນຸ່ງເຄື່ອງສັ້ນ-ເຂີນ ຍົ້ວຍວນ ທີ່ບໍ່ຖືກຕ້ອງຕາມຮີດຄອງປະເພນີ, ການທ່ຽວຫຼີ້ນແບບລາມົກອານາຈານ ແລະ ຫຼີ້ນການ ພະນັນ ທຸກປະເພດ ຢ່າງເດັດຂາດ.

5. ຫ້າມເປີດສຽງດັງເນື່ອງນັ້ນເກີນຂອບເຂດ ໃນບ້ານເຮືອນ-ຄອບຄົວ, ສໍານັກງານອົງການ, ສະຖານທີ່ ສາທາລະນະ, ບໍ່ໃຫ້ໃຊ້ພາຫະນະແຮ່ຄົບງັນຕາມທ້ອງຖະຫນົນ, ບໍ່ຂີ່ລົດເປັນພືງເປັນແພ-ແລ່ນລົດໄວເກີນຂອບເຂດ, ເວລາຂັບຂີ່ລົດປະເພດຕ່າງໆ ສັນຈອນຕາມທ້ອງຖະຫນົນ ຜູ້ຂັບຂີ່ຕ້ອງປະຕິບັດຕາມກົດລະບຽບຈະລາຈອນວາງອອກ ຢ່າງເຂັ້ມງວດ ເຊັ່ນ: ດື່ມສິ່ງມືນເມົາແລ້ວບໍ່ຂັບລົດ, ຂັບລົດບໍ່ດື່ມສິ່ງມືນເມົາ ຢ່າງເດັດຂາດ.

6. ຫ້າມບໍ່ໃຫ້ຜູ້ໂດຍສານນັ່ງຫົວລົດເວລາຂັບຂີ່ໄປຕາມທ້ອງຖະຫນົນ, ລົດບັນທຸກຂົນສົ່ງສິນຄ້າຫນັກ-ລົດໂດຍສານ ບໍ່ໃຫ້ໃສ່ເກີນຂອບເຂດ, ຜູ້ຂັບຂີ່ພາຫະນະທຸກປະເພດຕ້ອງປະຕິບັດຕາມປ້າຍສັນຍານຈະລາຈອນ ແລະ ກົດລະບຽບ ການສັນຈອນ ຢ່າງເຄັ່ງຄັດ.

7. ບັນດາຮ້ານທຸລະກິດບັນເທີງ, ຮ້ານກີນດື່ມ ໃຫ້ປະຕິບັດຕາມແຈ້ງການ, ຄໍາສັ່ງ ຂອງລັດຖະບານວາງອອກຢ່າງ ເຂັ້ມງວດ.

8. ຫ້າມຫົດນໍ້າາໃສ່ເຈົ້າຫນ້າທີ່ ທີ່ກໍາລັງປະຕິບັດຫນ້າທີ່ຮັກສາຄວາມເປັນລະບຽບຮຽບຮ້ອຍຕາມເສັ້ນທາງ ແລະ ສະ ຖານທີ່ຕ່າງໆ.

ຫາກຜູ້ລະເມີດ, ແມ່ນຈະຖືກກ່າວເຕືອນ, ເຮັດບົດບັນທຶກ ແລະ ດຳເນີນຄະດີຕາມກົດໝາຍ

Related Posts

Leave a Reply

Your email address will not be published. Required fields are marked *