ທ່ານ ບໍ່ວຽງຄຳ ວົງດາລາ ຂື້ນຮັບໜ້າທີ່ເປັນລັດຖະມົນຕີ ກະຊວງເຕັກໂນໂລຊີ ແລະ ການສື່ສານຜູ້ໃໝ່

ທ່ານ ບໍ່ວຽງຄຳ ວົງດາລາ ຂື້ນຮັບໜ້າທີ່ເປັນລັດຖະມົນຕີ ກະຊວງເຕັກໂນໂລຊີ ແລະ ການສື່ສານຜູ້ໃໝ່.

ໃນພິທີດັ່ງກ່າວ, ບັນດາຜູ້ເຂົ້າຮ່ວມ ໄດ້ຮັບຟັງການຜ່ານບົດສະຫລຸບລາຍງານຫຍໍ້ການຈັດຕັ້ງປະຕິບັດແຜນພັດທະນາວຽກງານໄປສະນີ, ໂທລະຄົມມະນາຄົມ ແລະ ການສື່ສານ ໃນໄລຍະ 5ປີ ຜ່ານມາ (2016-2020) ຂອງຂະແໜງເຕັກໂນໂລຊີ ແລະ ການສື່ສານ ເປັນຕົ້ນ ການຫັນວຽກງານເຕັກໂນໂລຊີ ແລະ ການສື່ສານ ໃຫ້ກາຍເປັນອຸດສາຫະກຳ ແລະ ທັນສະໄໝ, ເປັນເຄື່ອງມືທີ່ສໍາຄັນໃນການຂັບເຄື່ອນການພັດທະນາເສດຖະ ກິດ-ສັງຄົມໃຫ້ເຂັ້ມແຂງ, ຢືນຢົງ, ເປັນຈຸດເຊື່ອມໂຍງກັບພາກພື້ນ ແລະ ສາກົນ, ປະຊາຊົນມີສ່ວນຮ່ວມຢ່າງກວ້າງຂວາງ ແລະ ທິດ ທາງວຽກງານແຜນການໃນຕໍ່ໜ້າ.

ມອບ-ຮັບອີກໜຶ່ງຕຳແໜ່ງໃນກົງຈັກຂອງລັດຖະບານ ລະຫວ່າງ ທ່ານ ທັນສະໄໝ ກົມມະສິດເຕັກໂນໂລຊີ ແລະການສື່ສານ (ຜູ້ເກົ່າ) ແລະ ທ່ານ ບໍ່ວຽງຄຳ ວົງດາລາ (ຜູ້ໃໝ່) ໂດຍການເຂົ້າຮ່ວມເປັນສັກຂີພິຍານຂອງ ທ່ານ ບຸນທອງ ຈິດມະນີ ກຳມະການກົມການເມືອງສູນກາງພັກ, ຜູ້ປະຈຳການຄະນະເລ ຂາທິການສູນກາງພັກ, ຮອງປະທານປະເທດ, ມີບັນດາພະນັກງານຫລັກແຫລ່ງ-ນຳພາ, ພ້ອມດ້ວຍພະນັກງານ-ລັດຖະກອນພາຍໃນກະຊວງດັ່ງກ່າວ ເຂົ້າຮ່ວມ.

ໂອກາດນີ້, ທ່ານ ທັນສະໄໝ ກົມມະສິດ ກໍໄດ້ຕີລາຄາສູງ, ສະແດງຄວາມຊົມເຊີຍ ແລະ ເຊື່ອໝັ້ນຕໍ່ການມາຮັບໜ້າທີ່ໃໝ່ຂອງ ທ່ານ ບໍ່ວຽງຄຳ ວົງດາລາ ກຳມະ ການສູນກາງພັກ, ເລຂາຄະ ນະພັກ, ລັດຖະມົນຕີ ກະຊວງເຕັກໂນໂລຊີ ແລະ ການສື່ສານ. ຂະນະດຽວກັນ, ທ່ານ ບໍ່ວຽງຄຳ ວົງດາລາ ກໍໄດ້ສະແດງຄວາມຂອບ ໃຈ ແລະ ຮູ້ບຸນຄຸນຕໍ່ພັກ-ລັດ, ຂັ້ນເທິງ ທີ່ໄດ້ມອບຄວາມໄວ້ວາງໃຈ, ຄວາມເຊື່ອ ໝັ້ນໃຫ້ມາຮັບໜ້າທີ່ໃໝ່ ແລະ ໃຫ້ຄຳໝັ້ນສັນຍາວ່າ ຈະສຸມທຸກເຫື່ອແຮງ ແລະ ສະຕິປັນ ຍານຳພາ-ຊີ້ນຳວຽກທີ່ຖືກມອບໝາຍໃຫ້ສຳເລັດຜົນ, ພ້ອມທັງສະແດງຄວາມຊື່ນຊົມສັນລະເສີນຄຸນງາມ ຄວາມດີ ຂອງອະດີດເລຂາຄະນະພັກ, ລັດຖະມົນຕີຜູ້ເກົ່າ.

ໃນໂອກາດທີ່ມີຄວາມໝາຍນີ້, ທ່ານ ບຸນທອງ ຈິດມະນີ ກໍໂອ້ລົມຫລາຍບັນຫາສຳຄັນ ແລະ ໄດ້ຍ້ອງຍໍຊົມເຊີຍ ຜົນງານການປະກອບສ່ວນຂອງ ທ່ານ ທັນສະໄໝ ກົມມະສິດ ຕໍ່ການຈັດຕັ້ງປະ ຕິບັດມະຕິກອງປະຊຸມໃຫຍ່ ແລະ ກົດລະບຽບຂອງພັກ 1 ສະໄໝ ທີ່ຜ່ານມາ ຢ່າງມີຄວາມຮັບຜິດຊອບສູງ ແລະ ດ້ວຍຜົນສຳເລັດຫລາຍດ້ານ ທັງດ້ານມະຫາພາກ ແລະ ຈຸລະພາກ ຂອງວຽກງານເຕັກໂນໂລຊີ ແລະ ການສື່ສານ, ເຊິ່ງໄດ້ປະກອບສ່ວນສຳຄັນ ເຂົ້າໃນສອງໜ້າທີ່ຍຸດທະສາດແຫ່ງການປົກປັກຮັກສາ ແລະ ພັດທະນາເສດຖະກິດ-ສັງຄົມຂອງຊາດ, ເຊິ່ງເປັນຜົນສຳເລັດທີ່ໜ້າຊື່ນຊົມຂອງຄະນະພັກແຕ່ລະຂັ້ນ.

ໃນໂອກາດທີ່ມີຄວາມໝາຍນີ້, ທ່ານ ບຸນທອງ ຈິດມະນີ ກໍໂອ້ລົມຫລາຍບັນຫາສຳຄັນ ແລະ ໄດ້ຍ້ອງຍໍຊົມເຊີຍ ຜົນງານການປະກອບສ່ວນຂອງ ທ່ານ ທັນສະໄໝ ກົມມະສິດ ຕໍ່ການຈັດຕັ້ງປະ ຕິບັດມະຕິກອງປະຊຸມໃຫຍ່ ແລະ ກົດລະບຽບຂອງພັກ 1 ສະໄໝ ທີ່ຜ່ານມາ ຢ່າງມີຄວາມຮັບຜິດຊອບສູງ ແລະ ດ້ວຍຜົນສຳເລັດຫລາຍດ້ານ ທັງດ້ານມະຫາພາກ ແລະ ຈຸລະພາກ ຂອງວຽກງານເຕັກໂນໂລຊີ ແລະ ການສື່ສານ, ເຊິ່ງໄດ້ປະກອບສ່ວນສຳຄັນ ເຂົ້າໃນສອງໜ້າທີ່ຍຸດທະສາດແຫ່ງການປົກປັກຮັກສາ ແລະ ພັດທະນາເສດຖະກິດ-ສັງຄົມຂອງຊາດ, ເຊິ່ງເປັນຜົນສຳເລັດທີ່ໜ້າຊື່ນຊົມຂອງຄະນະພັກແຕ່ລະຂັ້ນ.

Related Posts

Leave a Reply

Your email address will not be published. Required fields are marked *