ອີງຕາມການລາຍງານຂ່າວຂອງ ປະເທດລາວ ໄດ້ໃຫ້ຮູ້ວ່າ: ຊາວໜຸ່ມອາສາສະໝັກ ເມືອງພູວົງ ແຂວງ ອັດຕະປື ໄດ້ຮ່ວມແຮງຮ່ວມໃຈກັນຊ່ວຍປຸກສ້າງເຮືອນໃຫ້ປະຊາຊົນຜູ້ທຸກຍາກອານາຖາ ທີ່ບ້ານລະມອງ ເມືອງພູວົງ.
ການປຸກສ້າງເຮືອນຢູ່ໃຫ້ປະຊາຊົນຜູ້ທຸກຍາກອານາຖາ ຄັ້ງນີ້ ໄດ້ເລີ່ມຂື້ນໃນວັນທີ 5 ເມສາ 2021 ເຊິ່ງຊາວໜຸ່ມອາສາສະໝັກເມືອງພູວົງ ໄດ້ຮ່ວມກັນລົງມືປຸກສ້າງເຮືອນ ຈຳນວນ 2 ຫລັງ, ມີມູນຄ່າ 30 ກ່ວາລ້ານກີບ, ເປັນເຮືອນໄມ້ຊັ້ນດຽວ, ມຸງດ້ວຍສັງກະສີ, ຝາແອ້ມແປ້ນ ແລະ ປູພື້ນດ້ວຍແປ້ນ.
ໂດຍແມ່ນທຶນສົມທົບຈາກພໍ່ແມ່ປະຊາຊົນ,ນັກທຸລະກິດ, ຫ້າງຮ້ານ ແລະ ສະມາຊິກຊາວໜຸ່ມໃນທົ່ວແຂວງອັດຕະປື.
ຂໍ້ມູນ: ປະເທດລາວ (ໄຊຈະເລີນ ວງງສະຫັວນ ຂ.ອັດຕະປື)
