ຍີ່ປຸ່ນຜ່າຕັດປ່ຽນປອດໃຫ້ຜູ້ຕິດເຊື້ອໂຄວິ ດ-19 ຄັ້ງທຳອິດຂອງໂລກ

ທີ​ມ​ແພດ​ປະຈຳ​ໂຮງໝໍ​ຂອງ​ມະຫາວິທະຍາ​ໄລ​ກຽວ​ໂຕ ປະ​ເທດ​ຍີ່ປຸ່ນ ປະກາດ​ວ່າ: ພວກ​ເຂົາ​ປະສົບ​ຜົນສຳ​ເລັດ​ໃນ​ການຜ່າຕັດ​ປ່ຽນ​ປອດ​ໃຫ້​ຜູ້​ຕິດ​ເຊື້ອ​ໂຄ​ວິ ດ-19.

ໂດຍ​ທີ​ມ​ແພດ​ໄດ້​ຜ່າຕັດ​ໃຫ້​ຜູ້ຍິງ​ຄົນ​ໜຶ່ງ​ທີ່​ຕິດ​ເຊື້ອ​ໂຄ​ວິດ-19 ຢ່າງ​ຮຸ ນ​ແຮ ງ ​​ເຖິງ​ວ່າ​ນາງ​ຈະ​ປິ່ນປົວ​ຈົນ​ເຊົາ​ແລ້ວ ​ແຕ່​ປອດ​ໄດ້​ຮັບ​ຄວາມ​ເສຍ​ຫາຍ​ຢ່າງ​ໜັກ​ຈົນ​ບໍ່​ສາມາດ​ເຮັດ​ວຽກ​ໄດ້​ຄື​ປົກກະຕິ

ເຮັດໃຫ້ຜົວກັບລູກຊາຍຂອງນາງໄດ້ຮ່ວມກັນບໍລິຈາກປອດສ່ວນໜຶ່ງຂອງພວກເຂົາ ເພື່ອໃຫ້ແພດຜ່າຕັດປ່ຽນປອດ ເຊິ່ງທີມແພດໄດ້ໃຊ້ເວລາເກືອບ 11 ຊົ່ວໂມງໃນການຜ່າຕັດ ແລະ ປະສົບຜົນສຳເລັດ ໂດຍກໍລະນີນີ້ຖືເປັນຄັ້ງທຳອິດຂອງໂລກທີ່ແພດປະສົບຜົນສຳເລັດໃນການຜ່າຕັດປ່ຽນປອດໃຫ້ຜູ້ຕິດເຊື້ອໂຄວິດ-19.

ກໍລະນີ​ການຜ່າຕັດ​ປ່ຽນ​ອະ​ໄວ​ຍະ​ວະ​ໂດຍ​ໃຊ້​ອະ​ໄວ​ຍະ​ວະ​ຈາກ​ຜູ້​ເສຍ​ຊີວິດ​ແລ້ວ ຍັງ​ມີ​ໜ້ອຍ​ຢູ່​ປະ​ເທດ​ຍີ່​ປຸ່ນ, ​ແຕ່​ກໍລະນີ​ນີ້​ເປັນ​ການ​ນຳ​ເອົາ​ອະ​ໄວ​ຍະ​ວະ​ຂອງ​ຜູ້​ທີ່​ຍັງ​ມີ​ຊີວິດ​ຢູ່ ມາ​ປ່ຽນ​ໃຫ້​ຄົນ​ເຈັບ.

ເຊິ່ງທ່ານໝໍ ຮິໂຣຊິ ດາເຕະ ຫົວໜ້າທີມແພດຜ່າຕັດຄັ້ງນີ້ ກ່າວວ່າ: ຜົນສຳເລັດຄັ້ງນີ້ສ້າງຄວາມຫວັງໃຫ້ບັນດາຜູ້ຕິດເຊື້ອໂຄວິດ-19 ວ່າພວກເຂົາສາມາດປ່ຽນປອດໃໝ່ໄດ້ໃນອະນາຄົດ ໂດຍສາມາດໃຊ້ອະໄວຍະວະຈາກຜູ້ທີ່ຍັງມີຊີວິດຢູ່.

ຍີ່ປຸ່ນຜ່າຕັດປ່ຽນປອດໃຫ້ຜູ້ຕິດເຊື້ອໂຄວິ ດ-19 ຄັ້ງທຳອິດຂອງໂລກທັງນີ້, ຢູ່ອາເມລິກາ ລວມທັງຫລາຍປະເທດໃນທະວີບເອີຣົບ ແລະ ປະເທດຈີນ ໃຊ້ປອດຂອງຜູ້ເສຍຊີວິດແລ້ວໃນການປ່ຽນໃໝ່ໃຫ້ຜູ້ຕິດເຊື້ອໂຄວິ ດ-19 ເຊິ່ງຜົນສຳເລັດຂອງແພດຍີ່ປຸ່ນຄັ້ງນີ້ຖືເປັນທາງເລືອກໃໝ່ຂອງວົງການແພດທົ່ວໂລກໃນການປ່ຽນປອດໃໝ່ໃຫ້ຜູ້ຕິດເຊື້ອໂຄວິ ດ-19 ໃນອະນາຄົດ.

ຂອບມຈທີ່ມາ: ຫນັງສື່ລາວພັດທະນາ

Related Posts

Leave a Reply

Your email address will not be published. Required fields are marked *