ຊາວບ້ານໂພນ ເກັບເງິນກັນໄປສ້າງເທື່ອລະໜ້ວຍສ້າງເສັ້ນທາງເບຕົງຜ່ານບ້ານຈົນສໍາເລັດ

ປະຊາຊົນ ຊາວບ້ານໂພນ ເມືອງໂພນໂຮງ ແຂວງວຽງຈັນ ພ້ອມພຽງກັນສ້າງເສັ້ນທາງເບຕົງເຂົ້າຫາບ້ານຂອງຕົນ ໄລຍະທາງ 1.300 ກວ່າແມັດ.

ປະຈຸບັນແມ່ນປະຕິບັດໄດ້ແລ້ວ 400 ກວ່າແມັດ ນຳໃຊ້ງົບປະມານທັງໝົດ 150 ລ້ານກ່ວາກີບ ຊຶ່ງທຶນດັ່ງກ່າວແມ່ນເປັນທຶນຂອງບ້ານສະສົມ ບວກກັບ ການປຸກລະດົມພໍ່ແມ່ປະຊາຊົນ ໂດຍສະເພາະ ຜູ້ປະກອບທຸລະກິດ ຄ້າຂາຍ ແລະ ປະຊາຊົນຈຳນວນໜື່ງຜູ້ໄກ້ ແລະ ໄກ ມີສ່ວນຮ່ວມແລະ ໃຫ້ການຊ່ວຍເຫຼືອ ເພື່ອພັດທະນາເສັ້ນທາງໃຫ້ບັນລຸຕາມຄາດໝາຍ.

ໃນວັນທີ 5 ເມສາ 2021 ຜ່ານມານີ້ ປະຊາຊົນຊາວ ບ້ານໂພນ ເມືອງໂພນໂຮງ ແຂວງວຽງຈັນ ຊຶ່ງນຳ ໂດຍ ທ່ານ ລັດດາວົງ ທຳມະວົງ ເລຂາພັກບ້ານ ນາຍບ້ານ ໂພນ ພ້ອມຄະນະ ອົງການຈັດຕັ້ງທຸກພາກ ແລະ ພໍ່ແມ່ປະຊາຊົນພາຍໃນບ້ານໄດ້ພ້ອມພຽງກັນອອກແຮງງານ ສ້າງເສັ້ນເບຕົງ ເຂົ້າຫາບ້ານ ເພື່ອພັດທະນາພື້ນຖານໂຄງລ່າງຂອງບ້ານໃຫ້ດີຂື້ນເລື້ອຍໆ.

ທ່ານ ລັດດາວົງ ທຳມະວົງ ເລຂາພັກບ້ານ ນາຍບ້ານໆໂພນ ໄດ້ໃຫ້ຮູ້ ໃນການນຳພາປະຊາຊົນອອກແຮງງານລວມສ້າງເສັ້ນທາງເບຕົງເຂົ້າຫາບ້ານນີ້ວ່າ : ໂດຍປະຕິບັດຕາມແຜນການພັດທະນາຂອງບ້ານໂດຍສະເພາະ ການປະຕິບັດຕາມ ກອງປະຊຸມໃຫຍ່ຂອງບ້ານເພື່ອພັດທະນາພື້ນຖານໂຄງລ່າງເປັນຕົ້ນຖະໜົນຫົນທາງພາຍໃນບ້ານໃຫ້ໄດ້ຮັບການພັດທະນາດີຂື້ນແນ່ໃສ່ເພື່ອອຳນວຍຄວາມສະດວກໃນການໄປມາຂອງຊາວບ້ານໃຫ້ດີຂື້ນ.

ຂ່າວ: ໂພນໂຮງວັນນີ້

Related Posts

Leave a Reply

Your email address will not be published. Required fields are marked *