ເມືອງນ້ຳບາກ ທຳ ລ າ ຍ ຢາງພາລາ ທີ່ມີສິ່ງເຈືອປົນ

ເມື່ອບໍ່ດົນຜ່ານມານີ້ ຫ້ອງການອຸດສາຫະກຳ ແລະ ການຄ້າເມືອງນໍ້າບາກ ຮວ່ມກັບບໍລິວັດຊີໂນ ລາວຈີລັນ ພັດທະນາຈຳກັດ ໄດ້ຈັດພິທີທຳລາຍສິນຄ້າ ປະເພດຢາງພາລາກ້ອນ ທີ່ມີສິ່ງເຈືອປົນ ເຂົ້າຮ່ວມ​ລມມີ ທ່ານ ຫຸມເພັງ ໂທທິທຳ ປະທານກວດກາພັກ-ລັດເມືອງ, ມີຫົວໜ້າ-ຮອງຫົວໜ້າຫ້ອງການທີ່ກຽ່ວຂ້ອງ, ທ່ານນາຍບ້ານ, ບໍລິສັດເກັບຊື້ ແລະ ເຈົ້າຂອງສວນຢາງພາລາເຂົ້າຮ່ວມ.

ເພື່ອເປັນການຈັດຕັ້ງປະຕິບັດໃຫ້ຖືກຕ້ອງ ແລະ ສອດຄ່ອງຕາມລະບຽບກົດໝາຍ, ຮັບປະກັນໃຫ້ພາກທຸລະກິດ ບໍລິສັດທີ່ເກັບຊື້ນ້ຳຢາງພາລາພາຍໃນເມືອງນ້ຳບາກ ໃຫ້ເກັບຊື້ໄດ້ສິນຄ້າທີ່ມີຄຸນນະພາບ, ສິນຄ້າໄດ້ມາດຕະຖານ.

ໃນລະຫວ່າງວັນທີ 7 ຫາວັນທີ 14 ທັນວາ 2020 ຜ່ານມາ ຫ້ອງການອຸດສາຫະກຳ ແລະ ການຄ້າເມືອງ ໄດ້ລົງກວດກາການເກັບຊື້, ການຂາຍ ຢາງພາລາກ້ອນ ລະຫວ່າງບໍລິສັດເກັບຊື້ ແລະ ຊາວສວນຢາງພາຍໃນເມືອງ ໄດ້ພົບເຫັນຢາງພາລາຈຳນວນຫຼາຍ ທີ່ຊາວສວນນຳມາຂາຍ ແມ່ນມີສິ່ງເຈືອປົນມານຳ ເປັນຕົ້ນແມ່ນມີກ້ອນຫີນ, ຂີ້ແຮ່, ຂີ້ຊາຍ, ເປືອກຂອງຕົ້ນຢາງພາລາ ແລະ ສິ່ງເສດເຫຼືອອື່ນໆ ເຮັດໃຫ້ກ້ອນຢາງດັ່ງກ່າວບໍ່ໄດ້ມາດຕະຖານ, ເຊື່ອມຄຸນນະພາບ, ບໍ່ສາມາດນຳເຂົ້າໂຮງງານຜະລິດຕາມຂັ້ນຕອນ ແລະ ໄດ້ຢຶດຂອງກາງໄວ້ເປັນຂອງລັດ.

ພາກສ່ວນທີ່ກຽ່ວຂ້ອງໄດ້ສຶກສາອົບຮົມ ແລະ ເຮັດບົດບັນທຶກນຳຊາວສວນຈຳນວນ 8 ຄອບຄົວ, ຫຼາຍກວ່າໝູ່ແມ່ນຢູ່ກຸ່ມບ້ານນ້ຳຖ້​ວມ ຊຶ່ງໄດ້ເຮັດໃຫ້ຊື່ສຽງ ແລະ ຜົນຜະລິດສິນຄ້າສົ່ງອອກຂອງເມືອງບໍ່ໄດ້ມາດຕະຖານ.

ດັ່ງນັ້ນຈຶ່ງໄດ້ຈັດ​ພິທີທຳລາຍຖິ້ມ ລວມມູນຄ່າການເສຍຫາຍທັງໝົດ ມີຢາງພາລາກ້ອນ 5.078 ກິໂລ ຄິດເປັນມູນຄ່າ 34 ລ້ານກວ່າກີບ.

ຂ່າວ: ພອນສັກ ສິງດາລັກ

Related Posts

Leave a Reply

Your email address will not be published. Required fields are marked *