ມາແລ້ວ ! ແຈ້ງການ ໃຫ້ປິດຊົ່ວຄາວສະຖານທີ່ບັນເທີງ, ຮ້ານຄາຣາໂອເກະ, ຮ້ານກິນດື່ມ…

🔥 🔥 🔥 ມາແລ້ວ ! ແຈ້ງການ ໃຫ້ປິດຊົ່ວຄາວສະຖານທີ່ບັນເທີງ, ຮ້ານຄາຣາໂອເກະ, ຮ້ານກິນດື່ມ ແລະ ຫ້າມຈັດງານລ້ຽງໃນງານດອງ, ງານພົບປະສ້າງສັນ ທີ່ເຕົ້າໂຮມຄົນຫຼາຍ ໃນຂອບເຂດ #ທົ່ວປະເທດ ລະຫວ່າງວັນທີ 14-30 ເມສາ 2021 !!! ຖ້າຝ່າຝືນ ແມ່ນໃຫ້ຕັກເຕືອນ ຕາມດ້ວຍໃຫ້ປິດກິດຈະການ !

ກະຊວງຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ຂໍຖືເປັນກຽດແຈ້ງການມາຍັງບັນດາທ່ານຊາບວ່າ; ປັດຈຸບັນ ພະຍາດ ໂຄວິດ-19 ຍັງສືບຕໍ່ເປັນໄພຄູກຄາມຕໍ່ໂລກ ແລະ ຕໍ່ປະເທດເຮົາ ນັບມື້ນັບເພີ່ມຂຶ້ນ ຊຶ່ງບໍ່ທັນ ສາມາດສະກັດກັ້ນໄດ້ຢ່າງຂາດຕົວເທື່ອ.

ເຊື້ອພະຍາດໂຄວິດ-19 ໄດ້ກາຍພົ້ນ ມີຄວາມສາມາດທໍາລາພຮ້າຍ ແຮງກວ່າເກົ່າ ເຮັດໃຫ້ການຕິດເຊື້ອເພີ່ມໄວຂຶ້ນ ຢູ່ປະເທດຕ່າງໆ ໃນໂລກ ແລະ ຢູ່ປະເທດອ້ອມຂ້າງຂອງພວກ ເຮົາ ກໍກໍາລັງມີການລະບາດຮອບໃຫມ່ທີ່ຮຸນແຮງຂຶ້ນ ແລະ ຂະຫຍາຍອອກສູ່ວົງກວາງ, ບ່ອນທີ່ພາໃຫ້ມີການແຜ່ ເຊື້ອອອກສູ່ວົງກວ້າງແມ່ນຮ້ານບັນເທິງ, ຄາຣາໂອເກະ, ຮ້ານກິນດື່ມ. ດັ່ງນັ້ນ, ເພື່ອປ້ອງກັນແຕ່ຫົວທີ ຮັບປະກັນບໍ່ໃຫ້ມີການແຜ່ລະບາດ ໃນປະເທດເຮົາ ຈິ່ງຂໍແຈ້ງມາຍັງບັນດາທ່ານດັ່ງນີ້ :

1. ໃຫ້ປິດຊົ່ວຄາວສະຖານທີ່ບັນເທີງ, ຮ້ານຄາຣາໂອເກະ, ຮ້ານກິນດື່ມ ແລະ ຫ້າມຈັດງານລ້ຽງໃນງານດອງ, ງານພົບປະສ້າງສັນທິເຕົ້າໂຮມຕົ້ນຫຼາຍ ນັບແຕ່ວັນທີ 14-30 ເມສາ 2021, ສໍາລັບການຈັດງານດອງແມ່ນໃຫ້ຈັດຕາມປະເພນີອັນດີງາມແບບຄອບຄົວເທົ່ານັ້ນ;

ພາບປະກອບຂ່າວ

2. ໃຫ້ພະແນກ ຖວທ ນະຄອນຫຼວງ, ແຂວງ ເປັນເຈົ້າການປະສານສົມທົບກັບກໍາລັງປ້ອງກັນຄວາມສະຫງົບ ແລະ ຄະນະສະເພາະກິດຂອງນະຄອນຫຼວງ, ແຂວງ ເພື່ອຈັດຕັ້ງການເຄື່ອນໄຫວຕິດຕາມກວດກາຮ້ານບັນເທິງ, ຄາຣາໂອເກະ, ຮ້ານກິນດື່ມ ແລະ ສະຖານທີ່ຈັດງານດອງຢ່າງເຂັ້ມງວດ;

3. ໃນກໍລະນີກວດພົບຜູ້ລະເມີດຕໍ່ແຈ້ງການ ຄັ້ງທໍາອິດໃຫ້ກ່າວເຕືອນ ພ້ອມທັງເຮັດບົດບັນທຶກໄວ້ເປັນຫຼັກຖານ, ຫາກຍັງສືບຕໍ່ລະເມີດຕື່ມອີກ ແມ່ນໃຫ້ຢຶດໃບທະບຽນ, ໃຫ້ປິດກິດຈະການ ພ້ອມທັງປັບໃຫມຕາມລະບຽບການ;

ພາບປະກອບຂ່າວ

4, ສ່ວນມາດຕະການດ້ານອື່ນໆ ທີ່ກ່ຽວຂ້ອງແມ່ນໃຫ້ປະຕິບັດຕາມແຈ້ງການຂອງຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດໂຄວິດ-19 ແລະ ຂອງຫ້ອງວ່າການສໍານັກງານນາຍົກລັດຖະ ມົນຕີ.

Related Posts

Leave a Reply

Your email address will not be published. Required fields are marked *