ສົງການມື້ດຽວທົ່ວປະເທດເສຍຊິວິດຈາກອຸບັດຕິເຫດ 15 ຄົນ.

ສົງການມື້ດຽວທົ່ວປະເທດເສຍຊິວິດຈາກອຸບັດຕິເຫດ 15 ຄົນ.

ບຸນກຸດສົງການ ຫຼື ບຸນປີໃໝ່ລາວ ພຽງມື້ດຽວ ( 14 ເມສາ 2021 ) ທົ່ວປະເທດ ມີຜູ້ເສຍຊິວິດຈາກອຸບັດຕິເຫດບົນທ້ອງຖະໜົນ ທັງໝົດ 15 ຄົນ.

ເຈົ້າໜ້າທີ່ກົມຕຳຫຼວດຈະລາຈອນ ລາຍງານວ່າ : ໃນວັນທີ 14 ເມ ສາ 2021, ທົ່ວປະເທດມີອຸບັດຕິເຫດເກີດຂຶ້ນທັງໝົດ 90 ຄັ້ງ ພາຫະນະເປເພທັງໝົດ 158 ຄັນ ຄົນໄດ້ຮັບບາດເຈັບທັງໝົດ 178 ຄົນ ແລະ ເສຍຊິວິດ 15 ຄົນ, ແຂວງທີ່ເກີດອຸບັດຕິເຫດ ແລະ ເສຍຊິວິດາຍກວ່າໝູ່ແມ່ນ ແຂວງຈໍາປາສັກ ເສຍຊິວິດ 4 ຄົນ, ນະຄອນຫຼວງວຽງຈັນ ແລະ ແຂວງໄຊຍະບູລີ ເສຍຊິວິດແຂວງລະ 3 ຄົນ.

ໃນໂອກາດດຽວກັນນີ້, ເຈົ້າໜ້າທີ່ຍັງໄດ້ຮຽກຮ້ອງໃຫ້ພໍ່-ແມ່ປະຊາຊົນຜູ້ໃຊ້ລົດໃຊ້ຖະໜົນຈົ່ງມີສະຕິລະມັດລະວັງໃນການຂັບຂີ່, ບໍ່ຄວນດື່ມສິ່ງມືນເມົາແລ້ວຂັບຂີ່ ແລະ ກ່ອນອອກເດີນທາງຕ້ອງກວດກາເຕັກນິກລົດໃຫ້ຢູ່ໃນສະພາບທີ່ດີ. ພ້ອມດຽວກັນນັ້ນ, ຄວນມີສະຕິເປັນເຈົ້າການໃນການຮັກສາຊັບສິນຂອງຕົນເອງ ເພື່ອບໍ່ໃຫ້ຄົນຮ້າຍສວຍໂອ ກາດກໍ່ເຫດລັກໄດ້.

ນອກນັ້ນ, ເຈົ້າໜ້າທີ່ ຍັງໄດ້ເນັ້ນໃຫ້ພໍ່-ແມ່ປະຊາຊົນໝັ່ນກວດກາເບິ່ງຟືນໄຟໃຫ້ດີ ເພາະໃນໄລຍະນີ້ອາກາດຮ້ອນອົບເອົ້າ ແລະ ມີການໃຊ້ໄຟຟ້າຫຼາຍ. ຫຼັງຈາກໃຊ້ໄຟແລ້ວຄວນມ້ຽນມອດໃຫ້ລະອຽດ ເພື່ອບໍ່ໃຫ້ເກີດບັນຫາອັກຄີໄພຂຶ້ນ.

Related Posts

Leave a Reply

Your email address will not be published.